ÍSF: steðga øllum ítrótti

bannari
12.03.2020 - 12:03
ÍtrótturAnnar ítróttur
ÍSF: steðga øllum ítrótti
Ítróttasamband Føroya heitir nú á øll feløg og sersambond at steðga sínum virksemi komandi tvær vikurnar.
Mynd: © Bjarni Árting Rubeksen  
 

Í gjár boðaði Hondbóltssamband Føroya frá, at allir hondbóltsdystir í øllum deildum komandi tvær vikurnar verða útsettir, og HSF mælir samstundis feløgunum til at avlýsa allar venjingar sama tíðarskeið.

Og nú heitir ÍSF á øll sersambondini um at gera tað sama. Í fráboðanini skrivar ÍSF, at venjingar, dystir, kappingar og annars øll tiltøk í føroyska ítróttaheiminum - bæði innandura og uttandura - eiga at steðga fyribils í tvær vikur í øllum deildum og aldursbólkum.

- Føroyskur ítróttur skal undir ongum umstøðum verða ein smittukelda. Við at steðga á nú, bindur føroyski tróttaheimurin um heilan fingur og er við til at basa smittuni, sigur Elin Heðinsdóttir Joensen, ÍSF-forseti. 

Í Fótbóltssambandi Føroya verður støðan viðgjørd í løtuni, men í samrøðu við útvarpið sigur Christian Andreasen, FSF-forseti, at FSF ætlar sær at fylgja tilmælinum. Hetta merkir í fyrstu atløgu, at landskappingin hjá monnum, sum skuldi byrja sunnudagin, verður útsett í fyribils tvær vikur.

 

 

Sí eisini

Nýggjastu sendingar í ÚV
Týsdag 31. mars
Nón 31. mars 2020
107038
Týsdag 31. mars
UFO Kjallarin og Area 51
107031
Týsdag 31. mars
UFO Kjallarin og Phoenix ljósini
107032
Týsdag 31. mars
UFO Kjallarin og Roswell
107030
Nýggjastu sendingar í SV
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783