Hava aðalfund, men lata einki vinningsbýti

25.03.2020 - 08:50
AktueltPengar
Hava aðalfund, men lata einki vinningsbýti
Serstøku umstøðurnar gera, at BankNordik heldur tað ikki vera ráðiligt at gjalda vinningsbýti.
 

BankNordik hevur ársaðalfund í morgin kortini. Bankin sigur, at hann væntar ikki at fáa loyvi til at avlýsa fundin.

Eftir ætlan verður einki vinningsbýti goldið fyri 2019, boðar bankin frá.

Ætlanin var annars at lata partaeigarum 67,2 mió. kr. í vinningsbýti, sjey krónur fyri partabrævið. 

Serstøku umstøðurnar gera, at BankNordik ikki metir tað vera ráðiligt at gjalda vinningsbýti.

Um støðan og útlitini batna seinni í ár, fer nevnd bankans at viðgera vinningsbýtið fyri 2019 av nýggjum. 

Avmarka aðalfundin

Roynt verður at avmarka aðalfundin í morgin so nógv sum til ber. Eitt nú verður nevndin ikki í hølunum hjá bankanum. Harumframt fer BankNordik at seta seg í samband við partaeigarar, sum hava teknað seg til aðalfundin, og mæla
teimum til at geva bankanum fulltrú í staðin.

Skráseting Føroya boðaði frá í síðstu viku, at hon hevur onga lógarheimilid at útseta freistina fyri at lata henni ársfrásagnir fyri 2019. Freistin er 1.juli.

Men ársfrásøgnin skal góðkennast á aðalfundi fyrst. Og teir aðalfundirnir hjá vinnufeløgunum eru nú og í næstum.

Eingin heimild

Av tí at hvørki vinnufelagalógin ella ársroknskaparlógin loyva Skrásetingini at leingja freistina at halda aðalfund og lata inn ársfrásagnir, mælir Skrásetingin nú til, at tey feløg, sum hava møguleika fyri at halda elektróniskan aðalfund, gera tað, og at feløgini upplýsa um møguleikan at møta á aðalfundinum við fulltrú ella at atkvøða við brævi.

Tilmælið hjá myndugleikunum er, at í mesta lagi tíggju fólk eru saman.


 

 
Nýggjastu sendingar í ÚV
Sunnudag 29. mars
Guðstænasta úr Havnar kirkju
106924
Leygardag 28. mars
Álopið á St. Nazaire
106652
Leygardag 28. mars
Jambalaja 280320
106908
Nýggjastu sendingar í SV
Sunnudag 29. mars
Andaktin
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783