Noreg mælir frá at lata vinningsbýti

25.03.2020 - 15:33
AktueltÚtheimurin
Noreg mælir frá at lata vinningsbýti
Norska fíggjareftirlitið sigur, at peningurin eigur í staðin at verða brúktur at styrkja bankar og tryggingarfeløg
Morten Baltzersen er stjóri í norska fíggjareftirlitinum
 

Norska fíggjareftirlitið mælir til at steðga ætlanini hjá bankum og tryggingarfeløgum at rinda 30 milliardir kr. í vinningsbýti fyri í fjør.

Tað er ikki ráðiligt at rinda vinningsbýti, sum støðan er, sigur stjórin í norska fíggjareftirlitinum, Morten Baltzersen, við NTB.

Tey, sum eiga partabrøv, høvdu annars glett seg til at fáa vinningsbýti, eftir at partabrøvini eru lækkað nógv í virði seinastu tíðina. 2019 var eitt gott ár fyri tey, sum eiga partabrøv, og tí høvdu tey væntað eitt munandi vinningsbýti.

Ikki skilagott

Fíggjareftirlitið viðgongur, at tað er eitt stórt stig at taka at nokta fyritøkunum at gjalda vinningsbýti, men sum støðan er, er ikki skilagott at gera tað, sigur fíggjareftirlitið.

Støðan kann hava við sær, at tað verður torført hjá bæði bankum og tryggingarfeløgum at klára at halda treytirnar í framtíðini, og tí er skeivt at lata pengarnar sum vinningsbýti, heldur enn at styrkja virksemið á stovnunum, sigur eftirlitið.

Boðini frá fíggjareftirlitinum eru send norska fíggjarmálaráðnum í dag.

Vanliga verða aðalfundirnir hildnir í mars og í apríl, og tí heitir fíggjareftirlitið á fíggjarmálaráðið um at taka eina skjóta avgerð.

 
Nýggjastu sendingar í ÚV
Týsdag 14. juli
Nón 14. juli 2020
111378
Týsdag 14. juli
KÍ flongdir á Tórsvølli
111372
Týsdag 14. juli
Góðan morgun Føroyar 14.07.2020
111342
Mánadag 13. juli
Umhvørvið og eg - endurnýtsla
111343
Nýggjastu sendingar í SV
Týsdag 14. juli
3-2
111388
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283