Forða fyri dupultum gjaldi

06.04.2020 - 11:48
AktueltSamfelag
Forða fyri dupultum gjaldi
Hol í lógini um lønarískoyti frá Als skulu tippast við lógarbroytingum
Mynd: Bjarni Árting Rubeksen  
 

Sum lógin nú er orðað, kunnu fólk fáa meira enn tey eiga at fáa í lønarískoyti. Als-stýrið hevur biðið landsstýrið broyta lógina. 

Millum annað forðar lógin ikki fyri, at fólk kunnu fáa 40.000 krónur frá Als. Tey kunnu fáa 20.000 krónur í lønarískoyti og 20.000 krónur sum sjálvstøðugt vinnurekandi. 

Hesi vinnurekandi kunnu eisini fáa fult útgjald, hóast tey ikki missa inntøku. Lagt verður ikki upp fyri inntøkuni hjá tí sjálvstøðuga vinnurekandi. 

Als-stýrið: Tykist órímiligt

Dømi er um, at Als hevur fingið umsókn um fullan stuðul frá einum sjálvstøðugum vinnurekandi, sum upplýsir, at vinnuvirksemið er høvuðsvinna hansara.

Inntøkan seinastu 12 mánaðirnar var 13.500 krónur. Við galdandi reglum hevur viðkomandi rætt til 20.000 krónur um mánaðin úr stuðulsskipanini. 

Inntøkan verður tí 17 ferðir hægri enn áður. Hetta sýnist sera órímiligt, heldur Als-stýrið, sum vil hava hetta broytt.

Kunnu fáa upp í 40.000

Dømi er eisini um, at sjálvstøðug vinnurekandi hava søkt um fullan stuðul, tí virksemið er minkað 100 prosent.

Men tey høvdu onga inntøku. Galdandi reglur geva rætt til fullan stuðul, 20.000 krónur um mánaðin.

Og einki forðar fyri, at sama fólk kann fáa pengar sum vinnurekandi og sum starvsfólk, í mesta lagi 40.000 krónur.

 
Nýggjastu sendingar í ÚV
Leygardag 28. november
Á Quiztinum - 2. hálvfinala
116908
Leygardag 28. november
TEMAPLÁTAN: Eye of the Tiger, Survivor, 1982
116907
Leygardag 28. november
Jambalaja 281120
116905
Leygardag 28. november
Morgunlesturin leygarmorgunin 28. november 2020
116533
Nýggjastu sendingar í SV
Leygardag 28. november
Fótbóltur: Víkingur - B36
116909
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610