- Tíðindi, mentan og ítróttur
Málið um heilsutrygdargjald endar í rættinum
Føroya rættur skal taka avgerð í málinum um føroyskar sjómenn, sum sigla við norskum skipum, og rinda til norska Folketrygd og til Heilsutrygd í Føroyum.
Tað segði Bárður á Steig Nielsen, løgmaður, í løgtinginum fyrrapartin, tá hann svaraði einum skrivligum fyrispurningi frá Brandi Sandoy, løgtingsmanni.
Málið hevur verið umrøtt í fleiri ár, tí menninir vilja sleppa undan at rinda tvey gjøld.
Kærunevndin gjørt niðurstøðu
Kærunevndin hevur sagt, at menn, sum sigla í Noregi, og sum rinda til Folketrygd, eiga ikki eisini eiga at rinda til Heilsutrygd í Føroyum.
Hóast tað, so er málið ikki avgreitt, hóast nógva umrøðu.
Í heyst gjørdi Heilsutrygd av at fara í rættin við málinum, so greiði fæst á málinum.
Bárður á Steig Nielsen, løgmaður, segði í løgtinginum, at málið framvegis verður fyrireikað, men tað er ikki lagt fyri rættin enn.