- Tíðindi, mentan og ítróttur
Klárt at flyta í konsulátið í Nuuk
So skjótt sum loyvt verður at ferðast aftur til Grønlands, flytur amerikanski sendiharrin í konsulátið í Nuuk.
Og konsulatið er í húsinum hjá Arktisk kommando.
Danska verjan vil ikki upplýsa, um USA skal gjalda húsaleigu, ella um amerikanarnir sleppa at fara um alt húsið, skrivar KNR.
Sendiharrin eitur Sung Choi, og afturat sær hevur hann seks fólk.
Vil ikki upplýsa leigumál
Trine Bramsen, verjumálaráðharri, vil ikki geva KNR upplýsingar um leigumálið hjá amerikonsku sendistovuni.
Men við miðilin Altinget sigur Kim Jesper Jørgensen, ovasti í Arktis kommando, at amerikanarnir sleppa bara at vera í skrivstovunum í húsinum hjá Arktis kommando. Teir sleppa ikki í rakstrarmiðstøðina hjá Arktis kommando.
USA hevði sendistovu í Grønlandi frá 1940 til 1953.