- Tíðindi, mentan og ítróttur
Menningarkvota verður felagskvota við hámarki
Menningarkvota verður felagskvota við hámarki
Løgtingið samtykti uppskotið hjá Jacobi Vestergaard, landsstýrismanni í fiskivinnumálum
05.05.2020 - 10:22
Svartkjaftakvotan, sum skuldi latast sum menningarkvota, verður latin sum felagskvota við hámarki.
Meirilutin í Vinnunevndini mælti til at býta tey 41.709 tosnsini av svartkjafti sundur, so helvtin verður latin sum menningarkvota seinni í ár, og hin helvtin sum felagskvota við hámarki, sum Jacob Vestergaard,landsstýrismaður, skeyt upp.
Vinnunevndin legði álit fyri løgtingið fríggjadagin, og løgtingið hevði aðru viðgerð av uppskotinum í gjár.
Løgtingið feldi broytingaruppskotið frá andstøðuni. 11 atkvøður vóru fyri og 13 ímoti.
Í staðin samtykti løgtingið uppskotið frá samgonguni. 14 atkvøður vóru fyri, tvær ímóti, og 10 atkvøddu blankt.
Málið skal hava eina viðgerð aftrat, og tað verður hósdagin.
Nýggjastu sendingar í ÚV
Nýggjastu sendingar í SV