Koronasmittan breiðir seg aftur í Týsklandi

bannari
11.05.2020 - 10:18
AktueltÚtheimurin
Koronasmittan breiðir seg aftur í Týsklandi
Ein sjúklingur smittar nú í miðal meira enn eitt fólk
Týska samfelagið er latið meira upp, men tað hevur avleiðingar
 

Koronasmittan er farin at breiða seg aftur í Týsklandi, eftir at landið hevur latið samfelagið meira upp. Tað skrivar DR. 

Smittutalið í Týsklandi er nú oman fyri tað punktið, sum merkir, at ein sjúklingur við koronuvirusinum í miðal smittar meiri enn ein persón. Við øðrum orðum, so merkir tað, at smittan aftur breiðir seg í Týslandi. 

Tað hendir, eftir at ein røð av tiltøkum, sum vórðu sett í verk fyri at avmarka smittubreiðsluna, eru sett úr gildi. 

Smittutalið 1,10

Stovnurin Robert Koch, sum er stovnurin í Týsklandi, ið hevur eftirlit við infektiónssjúkum, setti í gjár smittutalið til 1,10. Mikudagin var smittutalið 0,65. 

Robert Koch-stovnurin hevur áhaldandi sagt, at skal koronasmittan byrgjast inni, skal smittutalið vera niðan fyri eitt. 

Týskland hevur higartil skrásett 169.300 fólk, sum eru smittað við Covid-19, og 7.434 fólk eru deyð av sjúkuni.

 
Nýggjastu sendingar í ÚV
Týsdag 19. januar
Breddin
119145
Týsdag 19. januar
Óhoyrt
119143
Týsdag 19. januar
Tempo
119133
Týsdag 19. januar
Góðan morgun Føroyar 19.01.2021
119121
Nýggjastu sendingar í SV
Mánadag 18. januar
3-2
119108
Sunnudag 17. januar
Andakt við Jens Bech
119046
Sunnudag 17. januar
Guðstænasta í kirkjuni við Norðskála
119037
Mikudag 13. januar
Mentanarvirðislønir landsins 2020
118890