Landsstýrið ger uppskot um margfeldi

12.05.2020 - 10:13
AktueltPolitikkur
Landsstýrið ger uppskot um margfeldi
Samgonguumboðini í rættarnevndini mæla frá at samtykkja uppskotið hjá Javnaðarflokkinum og Tjóðveldi
Christian Andeasen er formaður í rættarnevndini
 

Í næstu tingsetu fer landsstýrið at koma við einari náttúruverndarlóg, siga samgongumenninir í rættarnevndini hjá løgtinginum.

Teir vilja tí ikki, at løgtingið samtykkir uppskotið hjá Javnaðarflokkinum og Tjóðveldi um margfeldi í náttúruni.

Christian F. Andreasen, Erhard Joensen, Frimodt Rasmussen og Steffan Klein Poulsen siga, at brúk er fyri dagførdari lóg, sum skal verja náttúruna. Og tað hevur skund at fáa eina tílíka lóg, siga teir.

Orða sítt egna uppskot

Men teir halda eisini, at landsstýrið skal hava frið til at orða sítt egna uppskot, sum teir hava fingið at fingið at vita kemur í løgtingið í næstu tingsetu.

Minnilutin í Rættarnevndini, Ingilín D. Strøm, Hervør Pálsdóttir og Sirið Stenberg, siga, at nú er bíðað nóg leingi og mælir til at samtykkja uppskotið um margfeldi í náttúruni.

Og tær hava fingið at vita, siga tær, at bulurin í uppskotinum, sum landsstýrið arbeiðir við, er uppskotið hjá Javnaðarflokkinum og Tjóðveldi um margfeldi.

 
Nýggjastu sendingar í ÚV
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558