Fólk sleppa nú aftur í kirkju

bannari
17.05.2020 - 09:11
MentanÁtrúnaður
Fólk sleppa nú aftur í kirkju
Avmarkingar eru settar á, nú tær 60 fólkakirkjurnar í landinum lata kirkjudyrnar uppaftur
Kirkjudyrnar í teimum 60 fólkakirkjunum verða í dag latnar uppaftur. Á myndini Miðvágs kirkja
Mynd: © Bjarni Árting Rubeksen  
 

Í dag sleppa fólk aftur í føroysku fólkakirkjurnar. Tær 60 fólkakirkjurnar í Føroyum hava verið stongdar í næstan tveir mánaðir orsakað av COVID-19.

Avmarkingar eru settar á, nú føroyingar aftur sleppa í kirkju sum vant sunnudagar. Í teimum stóru kirkjunum sleppa í mesta lagi 100 fólk til gudstænastur, jarðarferðir og brúðarvígslur

Í teimum miðalstóru fólkakirkjunum sleppa í mesta lagi 75 fólk inn, og í teimum smærru kirkjunum í Føroyum sleppa í mesta 30 fólk inn til kirkjuligar handlingar, upplýsir Fólkakirkjan.

Sálmabøkurnar hjá kirkjunum ikki brúkast

Nú kirkjurnar verða latnar uppaftur, verður heitta á fólk um, at hava sínar egnu sálmabøkur við, ella brúka sálmabókaappina. Í onkrari kirkju verða ørk løgd í kirkjuskipið við sálmunum á.

Í Vesturkirkjuni verða tvær gudstænastur í dag, nú avmarking er á, hvussu nógv fólk sleppa til gudstænasturnar; ein verður klokkan 11 og ein klokkan 13.

Her í Kringvarpinum senda vit gudstænastu úr Hoyvíkar kirkju í útvarpinum klokkan 11, og í sjónvarpinum senda vit gudstænastu úr Christianskirkjuni klokkan 16.

 
Nýggjastu sendingar í ÚV
Hósdag 4. juni
Mono - Disco (4:5)
109723
Mikudag 3. juni
Breddin
109678
Mikudag 3. juni
Nón 3. juni 2020
109675
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558