Útlendingar stóran áhuga at keypa ognir

22.05.2020 - 08:52
AktueltPolitikkur
Útlendingar stóran áhuga at keypa ognir
Meirilutin í Vinnunevndini heldur, at treytir skulu setast útlendingum, sum keypa hús og jørð í Føroyum
Landsstýrið arbeiðir við uppskoti um, hvussu útlendingar kunnu keypa ognir í Føroyum, hevur Vinnunevndin fingið at vita frá løgmanni
 

Áhugin hjá útlendingum at keypa hús og jørð í Føroyum er vaksandi.

Í onkrari bygd hevur útlendingur keypt fleiri hús.

Tað fekk Vinnunevndin hjá løgtinginum at vita frá ognarmeklara, sum nevndin tosaði við, tá hon viðgjørdi uppskotið til samtyktar frá Tjóðveldi um at gera ein lóg, sum forðar fyri, at útlendingar keypa jørð og bústaðir í Føroyum.

Meirilutin í Vinnunevndini, samgongan og Framsókn, heldur tað vera í andsøgn við eitt opið og liberalt samfelag ikki at geva øðrum enn fastbúgvandi loyvi at keypa ognir í Føroyum.

Greiðar treytir

Men greiðar treytir skulu tó setast útlendingum, sum keypa hús og jørð í Føroyum.

Meirilutin vísir á, at løgmaður hevur sagt við nevndina, at landsstýrið arbeiðir við at finna ein leist til lógaruppskotið um, hvussu privatar útlendingar og útlendingar, sum fáast við vinnuligar verkætlanir, kunnu keypa hús og jørð.

Hetta lógaruppskotið skal verða klárt í heyst.

Meirilutin mælir frá at samtykkja uppskotið hjá Tjóðveldi.


 

 
Nýggjastu sendingar í ÚV
Týsdag 2. juni
LEITISSTEIN 01.06.2020 (Goes Gospel)
109628
Týsdag 2. juni
Breddin
109627
Týsdag 2. juni
Nón 2. juni 2020
109621
Týsdag 2. juni
Tempo: Rasisma
109614
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558