Heimavirkni verður skatta- og MVG frítt

23.05.2020 - 11:07
AktueltPolitikkur
Heimavirkni verður skatta- og MVG frítt
Týsdagin fer Løgtingið endaliga at samtykkja, at søla av heimavirkisvørum skal vera skatta- og MVG frí
 

Løgtingið fer týsdagin endaliga at samtykkja eitt uppskot frá Jørgeni Niclasen, landsstýrismanni í fíggjarmálum, um at inntøka frá heimavirkni skal gerast skattafrí, um heimavirkisvirksemið í mesta lagi hevur við sær eina árliga inntøku á 50 túsund krónur. Somuleiðis skal sølan vera MVG frí, um selt verður fyri minni enn 50 túsund krónur.

Samgongumeirilutin í fíggjarnevndini sigur, at heimavirki hevur røtur í aldargamlari siðvenju her á landi, og er soleiðis ein týðandi partur av okkara mentan, og í stóran mun er eisini talan um list. Størsti parturin av heimavirki verður útintur av kvinnum, ið virka pløgg úr ull, men eisini er talan um at virka lutir burtur úr træi, hornum, gróti o.ø. Fólk, ið fáast við heimavirki, eru ørkymlað av skatta- og meirvirðisgjaldspurningunum, og hetta heldur teimum aftur í teirra virksemi. Tí er skilagott at broyta lóggávuna soleiðis, at fólk kunnu fáast við heimavirki uttan alla tíðina at hava ampa av skattum og avgjøldum.

Somuleiðis er samgongumeirilutin av teirri fatan, at stórur partur av heimavirkaðu vørunum verða seldar til ferðafólk, og tí kann eisini roknast við, at uppskotið fer at gera, at meira kann fáast burtur úr ferðavinnuni. Tað siga also samgonguumboðini í fíggjarnevndini, sum eru Magnus Rasmussen, Jákup Mikkelsen, Bill Justinussen og Kristin Michelsen.

Men tað eru ikki øll, ið eru fegin um, at tað verður gjørd ein serskattaskipan fyri heimavirkni.

Andstøðuumboðini í fíggjarnevndini siga, at hóast breið politisk semja var um, eftir djúpastu kreppu í Føroyum nakrantíð fyrst í 90’unum, at farast skuldi burtur frá skattligum serskipanum, og yvir til eina sokallaða bruttoskattaskipan, har øll rinda skatt eftir somu skipan í mest møguligan mun - so hevur núverandi stjórn valt at taka fleiri stig, fyri at skeikla skattaskipanina, og gera enn fleiri undantøk.

Anstøðan vísir á, at seinastu mánaðirnar eru fleri serskattaskipanir gjørdar, og at tað tykist sum lansstýrið vil keypa sær politiskan stuðul frá útvaldum bólkum við at úthola skattaskipanina.

 
Nýggjastu sendingar í ÚV
Leygardag 5. desember
TEMAPLÁTAN: I'm No Hero, Cliff Richard, 1980
117282
Leygardag 5. desember
Jambalaja - 051220
117268
Leygardag 5. desember
Morgunlesturin leygarmorgunin 5. desember 2020
116960
Fríggjadag 4. desember
Nón 4. desember 2020
117248
Nýggjastu sendingar í SV
Leygardag 5. desember
Fótbóltur: Víkingur - HB
117272
Hósdag 3. desember
Vit herja á! (3:3)
117199
Mikudag 2. desember
Úr savninum: Matur og matgerð
117141
Týsdag 1. desember
Níggju mánaðir, ið skaptu teg (1:3)
117137
Mánadag 30. november
3-2
116999