Sjúkrahúsini hava nøvn, sum fólk standa saman um

Sjúkrahúsini hava nøvn, sum fólk standa saman um
Tað sigur áhugabólkurin "Vernd av Suðuroyar Sjúkrahúsi" í einum skrivi til stjóran á Suðuroyar Sjúkrahúsi
 
24.05.2020 - 14:57

At gera broytingar á sjúkrahúsøkinum fer ongantíð lættliga framvið og tað fer nýggja uppskotið um navnabroyting heldur ikki.

Fleiri norðanfyri hava víst á sína ónøgd við ætlaðu navnabroytingina av teimum trimum sjúkrahúsunum, men nú gera suðuroyingar um seg eisini.

Áhugabólkurin, sum kallar seg "Vernd av Suðuroyar Sjúkrahúsi", sum telur 1403 limir, hevur sent eitt skriv til stjóran á Suðuroyar Sjúkrahúsi, Hans Paula Henryson, har tey heita á hann um at virka fyri, at ætlanin verður tikin aftur.

Tey siga, at tað eigur ikki at verða neyðugt at broyta nøvnini á sjúkrahúsunum fyri at knýta sjúkrahúsini saman. Tað er eitt arbeiði, sum sjúkrahúsleiðslurnar og politiski myndugleikin skulu taka sær av.

Virðislønin til vinnaran av navnakappingini er kr. 10.000 og tann peningurin, umframt allur hin peningurin, sum verður brúktur uppá navna- og samleikabroytingina, er betur brúktur uppá til annað, sum kemur sjúklingum til góða, siga tey frá bólkinum "Vernd av Suðuroyar Sjúkrahúsi".

Tey enda brævið við at siga, at sjúkrahúsini hava nøvn, sum fólk standa saman um og tí skulu tey varðveitast.

Vit hava roynt at fingið eina viðmerking frá umboðum frá áhugabólkinum, men tey ynskja ikki at gera fleiri viðmerkingar enn tað, sum stendur í skrivinum.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585