Petur Reinert viðgongur dómaramistøk

Petur Reinert viðgongur dómaramistøk
Petur Reinert, viðgongur, at tveir ÍF-spælarar skuldu verið sendir av vølli, tá ÍF og KÍ spældu í Fuglafirði leygardagin
 
26.05.2020 - 16:51

Petur Reinert, dómari, viðgongur, at hann skuldi havt sent tveir ÍF-spælarar av vøllinum, tá KÍ vann 4-1 á ÍF í Fløtugerði leygardagin. Tað segði hann við FM1.

Royndi dómarin hevur fingið atfinningar frá fótbóltsviðmerkjarum - bæði her heima og á norsku rásini, TV2 - fyri at lata spælarar sleppa við ov hørðum spæli. 

 - Tað eru hasar báðar støðurnar har, tað seinna gula til tann eina leikaran, og beinleiðis reytt til hin, sum eg haldi, at eg mangli, og tað er harmiligt, segði Petur Reinert við FM1. 

Hann vísir til støðurnar, tá Karl Løkin fekk gult kort fyri eitt fríspark móti Ole Erik Midtskogen, og tá Ari Ólavsson Ellingsgaard ikki fekk sítt seinna gula kort, tá hann tók beinini undan Deni Pavlovic.

Heimasíðan hjá KÍ fanst at dømingini

Í gjárkvøldið fanst heimasíðan hjá KÍ hvassliga at dømingini í dystinum í grein, sum kortini varð tikin av aftur síðuni seinni.

 - Hettar eru farligar støður, sum kundu gjørt stóran skaða á okkara leikarar. Tað var sera heppið, at eingin av okkara leikarum komu skaddir frá hesum dystinum, skrivaði ki.fo. 

 - Vit meta ikki, at dómarin ger sítt arbeiði at verja leikararnar í dystinum móti slíkum farligum takklingum, sum ikki kunnu metast sum partur av siðiligum fótbóltsspæli, skrivaði heimasíðan.

Tummas Lervig, formaður hjá KÍ, sigur, at greinin ikki var viðgjørd av øllum pørtum og var ov hvassorðað, og tí varð greinin strikað aftur.

Petur Reinert hevur ongar viðmerkingar til greinina á heimasíðuni hjá KÍ. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584