20 fólk søgd upp á flogvøllinum

bannari
28.05.2020 - 15:08
AktueltSamfelag
20 fólk søgd upp á flogvøllinum
Koronakreppan ger, at virksemið hjá Vága floghavn er minkað niður í nærum einki, sigur Regin I. Jakobsen, stjóri
Virksemið er minkað niður í nærum einki á flogvøllinum, og tí verða 20 starvsfólk søgd úr starvi
Mynd: © Bjarni Árting Rubeksen  
 

Koronakreppan hevur við sær, at Vága floghavn hevur sagt 20 starvsfólkum úr starvi.

1374774

Tillagingin rakar bæði umsitingarlig og operationel starvsfólk, upplýsir Regin I. Jakobsen, stjóri í Vága floghavn, í tíðindaskrivi.

Samstundis verða ósett størv ikki sett fyribils, og færri tímalønt starvsfólk verða eisini knýtt at flogvøllinum.

Raðfesta neyðug starvsfólk

Leiðslan fyri Vága floghavn hevur raðfest at varðveita tey starvsfólk, sum eru neyðug fyri at lúka myndugleikakrøv, og at reka fyritøkuna forsvarliga, til gongd kemur aftur á flogvinnuna, sigur Regin I. Jakobsen.

Koronakreppan hevur við sær, at virksemið hjá floghavnini er minkað niður í nærum einki, og felagið sær ongan annan møguleika enn at laga starvsfólkahópin til nýggja veruleikan. Farsóttin hevur fullkomiliga tikið grundarlagið undan inntøkuni hjá felagnum, og tí er einki arbeiði til lutfalsliga stóran part av starvsfólkahópinum, sigur stjórin í Vága floghavn.

- Hetta eru ógvuliga tung stig at taka, men vit vóna at kunna bjóða starvsfólkunum arbeiði aftur sum skjótast, um umstøðurnar verða øðrvísi, sigur Regin I. Jakobsen, stjóri í Vága floghavn, í tíðindaskrivinum. 

 
Nýggjastu sendingar í ÚV
Týsdag 7. juli
Góðan morgun Føroyar 07.07.2020
111069
Mánadag 6. juli
Skála bløðir
111066
Mánadag 6. juli
Góðan morgun Føroyar 06.07.2020
111027
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743