Andstøðan vil hava samráð um 5G og trygdarpolitikk

28.05.2020 - 09:11
AktueltPolitikkur
Andstøðan vil hava samráð um 5G og trygdarpolitikk
Høgni Hoydal og Heðin Mortensen vilja vita, hví landsstýrið ikki hevur ráðført seg við Uttanlandsnevndina
Høgni Hoydal og Heðin Mortensen vilja hava løgmann í samráð í Uttanlandsnevndini
 

Uttanlandsnevndin hjá løgtinginum fer í dag at viðgera eina áheitan um samráð við løgmann og landsstýrismannin í uttanríkismálum um fjarskiftisnet, 5G-tøkni, trygdar- og verjupolitikk og samráðingar við donsku stjórnina.

Áheitanin er komin frá andstøðumonnunum í nevndini, Høgna Hoydal og Heðini Mortensen.

Teir vilja hava at vita, hví landsstýrið ikki hevur ráðført seg við Uttanlandsnevndina um fjarskifti og trygdar- og verjupolitikk.

Høgni Hoydal og Heðin Mortensen ætla at spyrja um samskifti, samráðingar og avgerðir landsstýrisins í málinum um fjarskiftisnet, 5G-tøkni og trygdar- og verjupolitikk.

Um samskifti og samráðingar við donsku stjórnina og aðrar útlendskar stjórnir og myndugleikar um hesi mál. 

Teir ætla eisini at spyrja, hví og við hvørjari heimild løgmaður sendir tíðindaskriv um, at fjarskiftismál og avgerðir um hetta, sum er føroyskt málsøki, skal gerast partur av trygdar- og verjupolitikki, og koma undir danska lóggávu. 
 

 
Nýggjastu sendingar í ÚV
Hósdag 9. juli
Ein táttur er silvur 2.partur
111175
Hósdag 9. juli
Nón 9. juli 2020
111209
Hósdag 9. juli
Vit meyla og meyla
111184
Hósdag 9. juli
Góðan morgun Føroyar 09.07.2020
111177
Nýggjastu sendingar í SV
Mikudag 8. juli
Hvalbiartunnilin skotin ígjøgnum
111104
Týsdag 7. juli
3-2
111099
Hósdag 2. juli
Úr savninum: Havið ímillum (2:2)
110938