Korona hjálpir handilsvinnuni

bannari
Korona hjálpir handilsvinnuni
Sølan er nógv vaksin, tí føroyingar eru heima
Sølan í matvøruhandlum er eisini vaksin seinastu tíðina
 
28.05.2020 - 14:29

Handilsvinnan merkir væl, at føroyingar eru heima, tí handlarnir selja sum heild nógv í hesum døgum.  

Vinnuhúsið sigur í tíðindaskrivi, at tað merkist, at mong hava avlýst uttanlandsferðina, og heldur brúka pengarnar til møblar, máling, mótaklæði og mat. 

Nógvir handlar selja munandi meira nú, enn um somu tíð í fjør, sigur Vinnuhúsið. 

Skifta møblar

Millum annað í Vøruhúsinum á Hjalla merkja tey, at føroyingar eru heima og seta í stand ella skifta møblar.

- Kundarnir siga ofta, at teir fara ikki at ferðast í ár, so nú skal frítíðarlønin brúkast til hetta, sigur Peter Mouritsen, stjóri í Vøruhúsinum. 

Men føroyingar gera annað enn at umvæla húsini. Í mótahandlinum, Hvíthús, í Klaksvík sigur Mona Rasmussen, eigari, at fyrsta tíðin eftir koronu var tung, men at tey seinastu vikurnar hava merkt stóra framgongd í søluni. 

Selja fleiri matvørur

Og tað merkist eisini hjá matvøruhandlunum, at føroyingar keypa meira og eta meira við hús. 

Bassi Haraldsen eigur saman við øðrum Á-handlarnar í Fuglafirði, Glyvrum, Vestmanna, við Sundsvegin og Landavegin í Havn, umframt ein Samkeyp-handil á Toftum. Hann er stjóri í øllum seks handlunum.

- Vit merkja rættiliga væl, at fólk keypa meira. Fólk eta meira við hús, og næstan ongin fer av landinum, sigur Bassi Haraldsen.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858