Hasfjord kostaði minni enn mett

03.06.2020 - 13:18
AktueltSamfelag
Hasfjord kostaði minni enn mett
Nú samlaði kostnaðurin fyri skipið er gjørdur upp, kostar tað landskassanum 8,5 milliónir krónur
Hasfjord skal sigla tungan farm um Skopunarfjørð, til Sandoyartunnilin er liðugur við ársenda í 2023
Mynd: Bjarni Árting Rubeksen  
 

Tá avtornaði kostaði ferjan Hasfjord 1,5 millión krónur minni, enn løgtingið og Strandferðslan roknaðu við.

Upprunaliga játtaði løgtingið 10 milliónir krónur til at keypa Hasfjord fyri.

Ferjan, sum er bygd í Noregi í 1975, varð í vetur keypt til farmaskip at brúka í sigling um Skopunarfjørð.

Greitt varð beinanvegin, at umvælingar skuldu gerast við skipið, áðrenn tað kundi setast í sigling. 

8,5 milliónir

Nú samlaði kostnaðurin fyri skipið er gjørdur upp, kostar tað landskassanum 8,5 milliónir krónur. Sjálvur keypsprísurin var 4,5 milliónir krónur. 

Fakfólk mettu umvælingararbeiðið at kosta umleið 3,5 milliónir, og henda metingin vísti seg at halda. 

Eisini skuldi Hasfjord hava nýtt róður, og tað arbeiðið kostaði stívliga eina hálva millión tilsamans.

- Tí er samlaði, beinleiðis kostnaðurin fyri Hasfjord umleið 8,5 milliónir krónur, upplýsir Hilmar Eliasen, stjóri á Strandferðsluni.

Hasfjord fór í sigling um Skopunarfjørð 12. mai, og skipið skal ætlandi vera í sigling, til Sandoyartunnilin verður tikin í nýtslu við ársenda í 2023.
 

Er kopiera
Nýggjastu sendingar í ÚV
Týsdag 27. juli
Málbroytingar í føroyskum
126166
Týsdag 27. juli
Morgunlestur týsdagur 27. juli 2021
126393
Mánadag 26. juli
Morgunlestur mánadagur 26. juli 2021
126392
Nýggjastu sendingar í SV
Leygardag 24. juli
5mf gentur, norðoyastevna 2021
126880
Leygardag 24. juli
Video: 10mf, norðoyastevna 2021
126879
Leygardag 24. juli
Video: 8mf menn, norðoyastevna 2021
126878
Leygardag 24. juli
Video: 5mf dreingir, norðoyastevna 2021
126876
Leygardag 24. juli
5mf kvinnur, norðoyastevna 2021
126875