Týskarar sleppa nú aftur at ferðast uttanlands

Týskarar sleppa nú aftur at ferðast uttanlands
Ferðabannið til ES-lond og onnur lond í Evropa verður strikað
Heiko Maas er týskur uttanríkisráðharri
 
03.06.2020 - 11:35

Týski uttanríkisráðharrin, Heiko Maas, broytir nú tilmælið um ferðing út í heim. 

Hann boðar nú frá, at Týskland strikar ferðabannið til ES-lond, Bretlands, Íslands, Noregs, Liktinstein og Sveis frá 15. juni, og nú verða tilmæli í staðin gjørd fyri londini hvørt sær.

Hann sigur m.a., at vegleiðingarnar siga greitt, at týsku myndugleikarnir ikki mæla fólki til at fara til Bretlands, so leingi kravið um 14 dagar í sóttarhaldi er galdandi.

Ferðabann kann verða sett í gildi aftur

Maas ger eisini greitt, at veksur talið á koronusmittaðum aftur, kann ferðabann aftur verða sett í gildi.

Týskland hevur ikki tikið støðu til lond uttan fyri ES. Tað veldst um gongdina.

Týskland er fólkaríkasta land í ES, men kortini eru færri deyð har enn í øðrum stórum londum í Evropa.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652