Góðkennir ikki sáttmálan

Góðkennir ikki sáttmálan
Landsstýrismaðurin í fíggjarmálum fer ikki at góðkenna sáttmálan, sum Kommunala arbeiðsgevarafelagið og Starvsmannafelagið hava undirskrivað
 
05.06.2020 - 12:34

Fíggjarmálaráðið góðkennir ikki sáttmálan, sum Kommunala arbeiðsgevarafelagið og Starvsmannafelagið skrivaðu undir mikudagin.

Nýggi sáttmálin, sum tey bæði feløgini undirskrivaðu fyrradagin, var galdandi fyri tíðarskeiðið 1. oktober 2019 - 30. september 2021.

– Síðani Fíggjarmálaráðið gjørdi semju við Starvsmannafelagið síðst í januar 2020 er støðan í samfelagnum sum kunnugt sera nógv broytt og fylgjurnar av COVID19 eru m.a. at búskaparligan støðan hjá landskassanum er fullkomiliga broytt.

 >> SÍ EISINI Fíggjarmálaráðið vil strika lønarhækkan

– Harvið er grundarlagið undir at gera semjur á almenna arbeiðsmarknaðinum eisini heilt broytt, sigur Fíggjarmálaráðið millum annað í tíðindaskrivinum, sum er sent fjølmiðlunum

Fyrra árið fáa starvsfólk í lønarflokki 1-21 795 krónur omaná mánaðarlønina og starvsfólk í flokki 22-50 fáa 595 krónur omaná mánaðarlønina.

Seinna árið var talan um lønarlyft uppá 2,25 prosent. Men hetta góðkennir landsstýrismaðurin í Fíggjarmálum ikki, sigur Fíggjarmálaráðið í tíðindaskrivi fyri lítlari løtu síðani.

Hoyr samrøðuna, útvarpið gjørdi við Jørgen Niclasen, landsstýrismann í fíggjarmálum, í útvarpstíðindunum á døgurða, her.

1376359

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585