Sum á ólavsøku í nátt

14.06.2020 - 12:20
Aktuelt112
Sum á ólavsøku í nátt
Tað var sum á ólavsøku bæði í Havn og í sambandi við eystanstevnuna, sigur løgreglan í dag
 

Sera nógv fólk vóru í býnum í nátt og hugnaðu sær í góðveðrinum, sigur løgreglan. Á løgreglustøðini siga tey, at tað var sum á ólavsøku bæði í Havn og í samband við eystanstevnuna.

Sambært løgregluni varð einki atlit tikið at frástøðu, og tað vóru sera nógv fólk bæði innan fyri og uttan fyri skeinkistøðini.

Skeinkistøðini í Havn hava gjørt sínámillum avtalu um at hava opið til klokkan tvey.  Hendan avtalan varð hildin sigur løgreglan, og tveir tímar seinni var býurin tómur.

Øðrvísi var á Skálafjørðinum, har skeinkistøðini valdu at hava opið sum vanligt, tað er til klokkan fýra. Úrslitið av hesum var, at fólk vóru munandi meira ávirkað og gingu og mólu til langt út á morgunin, sigur løgreglan.

Har mátti løgreglan eisini forða fyri at fólk fóru til hendurs. Almennu tilmælini siga, at skeinkistøðini skulu lata aftur klokkan 10. Men av tí at hetta bert eru tilmæli fær løgreglan ikki gjørt nakað við, at skeinkistøðini síggja burtur frá tilmælunum.
 

 
Nýggjastu sendingar í ÚV
Mikudag 12. august
Summartímin mikudagin 12. august
112258
Mikudag 12. august
Góðan morgun Føroyar 12.08.2020
112235
Týsdag 11. august
Tá makrelurin broytti Føroyar (2:6)
112157
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809