Færri føroyingar doyggja av hjarta- og æðrasjúkum

16.06.2020 - 05:49
AktueltHeilsa
Færri føroyingar doyggja av hjarta- og æðrasjúkum
Vit gerast eldri og eldri, færri doyggja av hjarta- og æðrasjúkum, men støðan við krabbameini er óbroytt
Færri fólk í Føroyum doyggja av hjarta- og æðrasjúkum, enn tað gjørdu fyri 15-20 árum síðani
 

Eitt er, at vit verða eldri og eldri, men vit doyggja eisini - tó er broytingar eru eisini hendar í orsøkunum, vit doyggja av. Tað vísa nýggj tøl hjá Hagstovuni.

Høvuðsbroytingin er, at munandi færri fólk doyggja av hjarta- og æðrasjúkum. Nú doyggja í miðal 50-60 føroyingar um árið av hjarta- og æðrasjúkum; fyri 15-20 árum síðani var hetta talið 80-90.

Støðan við krappameini er øðrvísi. Hagstovan vísir á, at hetta tal er kvinkað eitt lítið vet uppeftir. Men tá skal havast í huga, at hetta tíðarskeiðið er fólkatalið vaksið munandi - harvið eisini talið av eldri fólki.

Miðallivialdurin hækkaður

Roknað verður við, at eitt nýføtt gentubarn í dag hevur ein miðal livialdur, sum er 85,4 ár og eitt dreingjabarn 80,4 ár.

Í 1998 var støðan munandi øðrvísi. Tá varð væntað, at miðallivialdurin fyri eitt nýføtt gentubarn var 81,4 ár og hjá einum dreingjabarni 75,1 ár.

Hetta merkir, at livialdurin í Føroyum er øktur við góðum fimm árum hjá mannfólki og fýra árum hjá konufólki.

 
Nýggjastu sendingar í ÚV
Mikudag 12. august
Summartímin mikudagin 12. august
112258
Mikudag 12. august
Góðan morgun Føroyar 12.08.2020
112235
Týsdag 11. august
Tá makrelurin broytti Føroyar (2:6)
112157
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809