Krevja tøl um svik við NemID

16.06.2020 - 07:28
AktueltTøkni
Krevja tøl um svik við NemID
Svik við NemID er vaksandi. Andstøðuflokkarnir í Danmark vilja nú vita, hvussu nógv verður svikað við skipanini
 

Eingin kann siga, hvussu nógv verður svikað við NemID í Danmark, og tað er ikki nøktandi.

Tí krevja andstøðuflokkarnir, Vinstri, Danski Fólkaflokkurin og Sosialistiski Fólkaflokkurin, at myndugleikarnir leggja fram tøl, sum vísa, hvussu nógv verður svikað, skrivar DR.

Hóast spurt er, so siga hvørki Nets ella Digitaliseringsstýrið seg hava nøkur tøl at vísa á, tá talan er um svikl við NemID. Digitaliseringsstýrið svarar DR, at talan er um løgreglumál, og tí er tað løgreglan sum hevur tøl, um tey finnast.

Vaksandi svik seinastu árini

Heldur ikki løgreglan sigur seg kuna svara spurninginum, sigur virkandi løgregluovastin, Roland Klein, tá DR spyr um støðuna. Men hann sigur so mikið, at slíkt svik hevur verið vaksandi seinastu árini.

Tað ber ikki til, at eingi tøl finnast fyri svik av slíkum slag, og tí skal ráðharrin syrgja fyri, at myndugleikarnir sum hava ábyrgdina, elggja tøl fram, sigur Peter Skaarup, framsøgumaður í rættarmálum hjá Danska Fólkaflokkinum.

Formaðurin í Rættarnevndini hjá fólkatinginum, Preben Bang Henriksen, úr Vinstra, er samdur. Hann sigur seg fara at spyrja fyrst fíggjarmálaráðharran og helst eisini løgmálaráðharran um svik við NemID.

Digitaliseringsstýrið hevur biðið Nets um at gera eina trygdarkanning av virkseminum við NemID, skrivar DR.

 
Nýggjastu sendingar í ÚV
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807