Trump vil steðga bókaútgávu

18.06.2020 - 07:24
AktueltÚtheimurin
Trump vil steðga bókaútgávu
Amerianska løgmálaráðið hevur heitt á dómstólin í Washington um at steðga bókaútgávuni hjá fyrrverandi trygdarráðgevanum hjá Trump, John Bolton
 

Sambært John Bolton, skal Donald Trump, forseti, hava heitt á kinesiska forsetan, Xi Jinping, um hjálp til at vinna forsetavalið í ár, skrivar Washington Post.

Longu týsdagin bað umsitingin hjá Trump rættin um at steðga bókini, og nú kemur enn ein áheitan, - meiri bráðfeingis áheitan til dómsvaldið við kravi um, at bókin fyribils ikki verður útgivin.

Í samrøðu við Fox News í gjárkvøldið, segði Trump, at hann heldur, at Bolton hevur brotið lógina við at skriva bókina.

Í Twitterboðum skrivar Trump í dag, at innihaldið í bókini er lygn og falskar søgur.  

- "Løgni John Bolton segði alt gott um meg, á skrift, til tann dagin eg segði hann úr starvi. Ein ónøgdur, keðiligur býttlingur, sum bara vildi hava stríð. Hann hevur ongantíð vitað nakað, gjørdist tómur og tíbetur vrakaður" skrivar amerikanski forsetin, Donald Trump, á Twitter í dag.

Sambært amerikanska løgmálaráðnum, eru loyniligar upplýsingar í bókini, sum kunnu hótta landsins trygd. 

Løgmálaráðið hevur ásett rættarfund um málið í morgin.

 
Nýggjastu sendingar í ÚV
Mánadag 21. september
Góðan morgun Føroyar 21.09.2020
113700
Mánadag 21. september
Morgunlestur mánadagur 21. september 2020
113636
Sunnudag 20. september
Frá stríðsárunum (12:15)
113275
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403