Innlagdur í eitt ár aftaná lidna viðgerð

20.06.2020 - 15:44
AktueltHeilsa
Innlagdur í eitt ár aftaná lidna viðgerð
Seinastu trý árini eru tilsamans 19 borgarar skrásettir sum innlagdir á teimum trimum sjúkrahúsunum longur enn neyðugt, tí onki heim var at útskriva
Mynd: © Bjarni Árting Rubeksen  
 

Tveir borgarar eru í løtuni innlagdir á Sjúkrahúsverki Føroya, hóast teir eru liðugt viðgjørdir. Hetta tí teir hava ongan bústað.

Tað upplýsir Kaj Leo Holm Johannesen, landsstýrismaður í heilsumálum, í svari til ein §52a fyrispurning, ið Uni Rasmussen, tingmaður fyri Fólkaflokkin, hevur sett um, hvussu nógv heimleys liggja á teimum trimum sjúkrahúsunum. 

Landsstýrismaðurin upplýsir, at seinastu trý árini eru tilsamans 19 borgarar skrásettir sum innlagdir á teimum trimum sjúkrahúsunum longur enn neyðugt, tí onki heim var at útskriva til. 

Fyrivarni skal kortini takast fyri, at summar deildir ikki hava havt skipaða skráseting fyrr enn nú, og tí kann veruliga talið vera nakað hægri.

Í miðal liggja heimleysu borgararnir á sjúkrahúsi í 76 dagar aftaná, at viðgerðin er liðug. Tann sum hevur verið innlagdur longst, eftir at viðgerðin varð liðug, var innlagdur í 361 dagar.

Miðalaldurin hjá teimum innløgdu er 56 ár.
 

 
Nýggjastu sendingar í ÚV
Mikudag 12. august
Summartímin mikudagin 12. august
112258
Mikudag 12. august
Góðan morgun Føroyar 12.08.2020
112235
Týsdag 11. august
Tá makrelurin broytti Føroyar (2:6)
112157
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809