Dømdur maður verður ikki varðhaldsfongslaður

24.06.2020 - 16:23
Aktuelt112
Dømdur maður verður ikki varðhaldsfongslaður
Landsrætturin sigur, at hann lýkur ikki treytirnar fyri varðhaldsfongsling, og tí verður hann latin leysur, til hann skal sita dómin
Landsrætturin sigur, at grundarlag er ikki fyri at hava ein mann, sum er dømdur í Føroya rætti, varðhaldsfongslaðan, til hann skal sita dómin
 

Maðurin í 40-árunum, sum fríggjadagin bleiv varðhaldsfongslaður í Føroya rætti, eftir at verða funnin sekur í at hava misbrúkt stjúkdóttur sína kynsliga, er latin leysur í dag 

Eystari landsrættur heldur ikki, at grundarlag ikki er fyri at hava mannin varðhaldsfongslaðan.

Vanligt er, at fólk verða latin leys, til tey skulu sita dómin. Men í hesum førinum metti dómarin í Føroya rætti, at leggjast skuldi upp fyri almennu rættarkensluni í Føroyum. Tí varð maðurin varðhaldsfongslaður, til hann skuldi sita dómin. 

Maðurin kærdi tann partin av dómin, sum snýr seg um varðhaldsfongslina, til landsrættin.

Dómarin tók aðra avgerð

Tá dómarin í Føroya rætti hevði endurskoðað dómin mánadagin, kom hann til ta niðurstøðu, at grundarlag var ikki fyri varðhaldsfongsling.

Tað góðtók ákæruvaldið ikki, og kærdi nýggju avgerðina hjá dómaranum til Eystara landsrætt, og kravdi samstundis, at maðurin bleiv sitandi í varðhaldi, til landsrætturin hevði gjørt úrskurð í málinum. 

Tað hevur landsrætturin gjørt í dag, og landsrætturin sigur, at maðurin lýkur ikki treytirnar fyri at vera varðhaldsfongslaður. Tí er hann latin leysur.

Maðurin er dømdur til eitt árs fongsul fyri fleiri ferðir at havt framt kynsligan ágang á stjúkdóttrina, tá hon var undir 18 ár. 

 
Nýggjastu sendingar í ÚV
Fríggjadag 14. august
Góðan morgun Føroyar 14.08.2020
112317
Fríggjadag 14. august
Morgunlesturin fríggjamorgunin 14. august 2020
112097
Hósdag 13. august
Summartímin hósdagin 13. august
112292
Hósdag 13. august
Góðan morgun Føroyar 13.08.2020
112276
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809