Vilja eisini hava Fiskimálaráðið at gjalda

24.06.2020 - 15:52
AktueltSamfelag
Vilja eisini hava Fiskimálaráðið at gjalda
Ein úrskurður um, at Fiskimálaráðið skal rinda sín part av sakarmálskostnaðinum í málinum millum ráðið og Enniberg, er kærdur til landsrættin
Reiðaríið hjá Ennibergi hevur tikið stevningina móti Fiskimálaráðnum aftur
 

Eystari landsrættur skal taka støðu til, hvør skal rinda sakarmálskostnaðin hjá Fiskimálaráðnum, eftir at reiðaríið hjá Ennibergi hevur tikið stevningina móti aðalráðnum aftur.

Málið er endað í landsrættinum, tí Fiskimálaráðið hevur kært ein úrskurð hjá Føroya rætti, ið áleggur Fiskimálaráðnum at rinda sín part av sakarmálskostnaðinum. 

Føroya rættur mátti taka støðu til málið, eftir at reiðaríið hevði boðað frá, at teir tóku stevningina aftur, treytað av at Fiskimálaráðið rindaði sín part av sakarmálskostnaðinum. 

Men Fiskimálaráðið er ikki sinnað at rinda, tí ein afturtøka av sakarmálinum eftir teirra tykki er at meta sum eitt tap. Og tá tað er vanligt, at tann, sum hevur tapt, rindar allan sakarmálskostnaðin, krevur aðalráðið, at reiðaríið rindar allan sakarmálskostnaðin. 

Stevndu í 2017

Tað var í desember 2017, at reiðaríið stevndi Fiskimálaráðnum eftir endurgjaldi, tí aðalráðið hevði tikið tíggju prosent av kvotunum í Barentshavinum og selt tær á uppboðssølu í 2016 ella í 2017. Ein ognartøka, ið reiðaríið metti vera óheimilda. 

Og Fiskimálaráðið hevur heldur ikki rætt til at ognartaka allar kvoturnar í Barentshavinum fyri síðani at luta part av teimum út aftur til tey reiðarí, sum hava fiskað í Barentshavinum í fleiri áratíggju. 

Eitt so stórt inntriv í virksemið hjá reiðaríunum kann ikki gerast, uttan at boðað verður frá 25 ár frammanundan, metti reiðaríið.

Tí kravdi Enniberg eitt endurgjald upp á 7,4 mió. kr. 

Endurgjaldið verður kortini av ongum, tí reiðaríið hevur tikið stevningina aftur. 
 

 
Nýggjastu sendingar í ÚV
Fríggjadag 23. oktober
Nón 23. oktober 2020
115225
Fríggjadag 23. oktober
Pressan: Stríðið um almenna rúmið
115206
Fríggjadag 23. oktober
Morgunlesturin fríggjamorgunin 23. oktober 2020
114915
Hósdag 22. oktober
RagnarRokk 22.oktober 2020
115131
Hósdag 22. oktober
Breddin
115177
Nýggjastu sendingar í SV
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073
Týsdag 20. oktober
Atlantshavið 1:3 - Lívsstreymur
115072
Týsdag 20. oktober
Úr savninum: Við veðrum í vestaru skor
115071