Hópuppsagnir hjá SAS: 1.593 fólk uppsøgd

bannari
29.06.2020 - 10:12
AktueltÚtheimurin
Hópuppsagnir hjá SAS: 1.593 fólk uppsøgd
Skandinaviska flogfelagið stríðist í løtuni fyri at yvirliva, sigur felagið eftir at næstan 1.600 starvsfólk eru søgd úr starvi í morgun
SAS hevur í morgun handað 1.593 starvsfólkum uppsagnarbræv
 

Skandinaviska flogfelagið, SAS, hevur í dag handað 1.593 starvsfólkum uppsagnarbræv. Tað upplýsir felagið í fráboðan í dag.

Hetta er eitt sindur minni, enn væntað varð. Tá sparitiltøkini vórðu fráboðað, varð tosað um, at umleið 1.700 fólk hjá flogfelagnum skuldu sigast úr starvi.

Talan er um 684 flogternur, 586 starvsfólk á landi, 176 flogskiparar, 96 tøkningar og 51 starvsfólk í umsitingini, skrivar tíðindastovan hjá Ritzau.

Stríðast fyri at yvirliva

Hetta er ein tungur dagur í SAS-søguni. Koronukreppan hevur rakt SAS við so harðari megi, at vit nú stríðast fyri at yvirliva, skrivar danski pressustjórin, Sille Beck Hansen.

Uppsøgnirnar hjá SAS í morgun svara til umleið 1.420 fulltíðarstørv. Tá koronukreppan tók seg upp, vóru tilsamans 11.000 fulltíðarstørv hjá SAS.

 >> SÍ EISINI Skylda milliardir fyri avlýstar ferðir

SAS segði miðskeiðis í juni, at felagið hevði tørv á níggju milliardum, skuldu flogfelagið klára seg. Hesum hava danski og svenski staturin, sum eiga flogfelagið, játtað at hjálpa við.

Skandinaviska flogfelagið væntar ikki, at turbulensurin er av í hesum umfarinum. SAS væntar ikki, at eftirspurningurin økist aftur fyrr enn í 2022, sigur felagið í morgun.

Er kopiera
Nýggjastu sendingar í ÚV
Mánadag 14. juni
Við Tórði á túri í Botni
125444
Mánadag 14. juni
Nón 14. juni 2021
125435
Mánadag 14. juni
Eingin tekur KÍ
125431
Mánadag 14. juni
Ítróttafólk kunnu eisini fáa slysni
125417
Mánadag 14. juni
Góðan morgun Føroyar 14.06.2021
125403
Nýggjastu sendingar í SV
Sunnudag 13. juni
Harmonikutreff í Vesturkirkjuni.
125390
Sunnudag 13. juni
Andakt við Jóhannesi Miðskarð
125389
Leygardag 12. juni
Video: 5mf dreingir, Fjarðastevna 2021
125373
Leygardag 12. juni
Video: 5mf gentur, Fjarðastevna 2021
125369
Leygardag 12. juni
Video: 10mf, Fjarðastevna 2021
125370