Iran vil handtaka Trump

30.06.2020 - 09:14
AktueltÚtheimurin
Iran vil handtaka Trump
Amerikanski forsetin og fleiri onnur fólk skulu handtakast fyri at hava dripið herovastan, Soleimani, í januar
Iran hevur givið boð um at handtaka amerikanska forsetan, Donald Trump, og fleiri aðrar persónar
 

Orsøkin er, at USA drap herovastan, Qassem Soleimani, og aðrar í dronuálopi í januar. Al Jazeera skrivar, at Iran eisini hevur biðið Interpol um hjálp.

Ákærin í iranska høvuðsstaðnum, Teheran, Ali Alqasimehr, segði í gjár, at Trump, saman við 30 øðrum persónum, er undir illgruna fyri at hava dripið Soleimani-herovasta, og at teir eru skuldsettir fyri manndráp og yvirgang.

Alqasimehr vildi ikki upplýsa, hvørji hini fólkini eru, og hann legði dent á, at Iran fer at rættarsøkja Trump - eisini um Trump tapir forsetavalið  seinni í ár.

Interpol eftirlíkar neyvan ynski

Sambært ákæranum, hevur Iran biðið um sonevnt "Red notice" hjá Interpol. Tað vil siga, at lokalir myndugleikar kunnu handtaka ein persón vegna landið, sum er komið við umbønini. 

Interpol fer neyvan at ganga umbønini frá Iran á møti, tí reglurnar hjá Interpol eru, at tey ikki leggja seg út í politisk mál.

USA drap Soleimani, ið stóð á odda fyri serligu deildini hjá kollveltingarhirðini, Quds, í málrættaðum álopi í januar. 

Álopið varð framt nærindis altjóða flogvøllinum í Bagdad. Iran svaraði álopinum aftur og framdi rakettálop móti amerikonskum herdeildum í Irak.

 
Nýggjastu sendingar í ÚV
Sunnudag 27. september
Credo: Hvussu skilmarka vit trúgv og vísind ?
113937
Leygardag 26. september
Eitt gimsteinamorð í París
113768
Leygardag 26. september
Brunsj við Hans Esbern Heinesen
113992
Leygardag 26. september
Jambalaja 260920
113988
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746