- Tíðindi, mentan og ítróttur
Landsstýrismaðurin góðkent sáttmálan
Landsstýrismaðurin góðkent sáttmálan
Jørgen Niclasen, landsstýrismaður í fíggjarmálum, hevur nú góðkent sáttmálan, Kommunala Arbeiðsgevarafelagið og Starvsmannafelagið gjørdu 3. juni
02.07.2020 - 07:54
Landsstýrismaðurin hevur nú boðað frá nýggjum trý ára karmi, sum leggur upp fyri, at fíggjarstøðan í landinum er sum hon er, nú Korona hevur verið her.
Hesin karmur varð brúktur, tá Fíggjarmálaráðið og Lærarafelagið gjørdu sáttmála í farnu viku. Og hetta verður karmurin, tá aðrir sáttmálar skulu gerast við fakfeløg á almenna arbeiðsmarknaðinum.
Tá hetta ikki er karmurin í sáttmálanum millum Kommunala Arbeiðsgevarafelagið og Starvsmannafelagið, noyðist KAF at hugsa um nýggja karmin, tá samráðingar verða aftur, sigur Jørgen Niclasen.
KAF og Starvsmannafelagið gjørdu tvey ára sáttmála. Nýggi karmurin er trý ára sáttmálar. Lønarhækkingin í honum er tann sama sum á privata arbeiðsmarknaðinum annað og triðja árið.
Nýggjastu sendingar í ÚV
Nýggjastu sendingar í SV