Vargaseyðurin skjótast eftir skurðfjallið

10.07.2020 - 07:48
AktueltSamfelag
Vargaseyðurin skjótast eftir skurðfjallið
Ein ætlan er nú gjørd um heilsustøðuna hjá seyðinum hjá einum festi í Oyndarfirði
Tað var miðskeiðis í mai, at myndugleikarnir kannaðu ein festara í Oyndarfirði, tí fleiri deyðir seyðir sløddust á einum øki
Mynd: © Savnsmynd (KvF)  
 

Festarin hevur fingið djóralækna at gera ætlanina, sum er send landsdjóralæknanum. Málið byrjaði 18. mai, tá Dagur og Vika søgdu frá deyðum og sjúkum seyði í Oyndarfirði.

Landsdjóralæknin kannaði málið, og festarin fekk at vita, at hann saman við djóralækna í seinasta lagi 1. juli skuldi gera eina ætlan um at betra heilsustøðuna hjá seyðinum.

 >> SÍ EISINI Myndugleikarnir kanna festara

Ætlanin er nú gjørd og byrjað er at gera eftir henni. Festarin tók við festinum í fjør heyst uttan at vita, sigur hann sjálvur, at seyðurin var so illa fyri.

Vargaseyðurin, okkurt um tíggju í tali, verður skotin eftir skurðfjallið og fyri brundtíðina í heyst. Rifla er bíløgd til tað endamálið, sigur festarin í brævi til landsdjóralæknan.

Tey vóru á fjalli seinasta leygardag, og allur seyðurin varð viðgjørdur eftir forskrift frá djóralækna, sigur festarin. Fiskimálaráðið, sum er kærustovnur í hesum máli, hevur onga kæru ella annað skjal fingið um málið.

 
Nýggjastu sendingar í ÚV
Mikudag 12. august
Summartímin mikudagin 12. august
112258
Mikudag 12. august
Góðan morgun Føroyar 12.08.2020
112235
Týsdag 11. august
Tá makrelurin broytti Føroyar (2:6)
112157
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809