Stovna nýggja farleið - leiga skip fyri Akranes

27.07.2020 - 14:36
AktueltSamfelag
Stovna nýggja farleið - leiga skip fyri Akranes
Mistral, sum Smyril Line hevur leigað úr Finnlandi, kemur í flotan 12. august
Mistral kemur í flotan hjá Smyril Line 12. august
 

Smyril Line hevur leigað ro-ro-skipið Mistral frá finska reiðarínum, Godby Shipping, og verður sostatt sætta skipið í flotanum hjá Smyril Line.

Mistral er undir finskum flaggi, og manningin er finnlendingar. Hon telur 24 mans. Mistral kemur í flotan 12. august.

Endamálið við leigumálinum er at stovna eina nýggja farleið millum Rotterdam og vestara part av Noregi.

Akranes, sum í løtuni røkir siglingina millum Ísland, Føroyar og Danmark, fer at røkja nýggju farleiðina, og Mistral, sum nú verður leigað, fer at røkja siglingina hjá Akranesi.

Eina ferð um vikuna

Akranes fer nú at sigla eina ferð um vikuna úr Rotterdam til Stavanger, Tróndheim, Rørvik og Hitra í Noregi, og so aftur til Rotterdam.

Við nýggju farleiðini fara tvey skip hjá Smyril Line at sigla til Rotterdam um vikuna. 

Smyril Line hevur tí sett fimm fólk í starv í stóra havnarbýnum. Tey taka sær av øllum skrivstovuarbeiði í sambandi við komur og fráferðir.

Nýggja skrivstovan læt upp longu 1. juli.

Tá ið Mistral legst aftrat, hevur Smyril Line tilsamans seks skip í flotanum. Hini eru Norrøna, Mykines, Akranes, Eystnes og Hvítanes.

 

 

 
Nýggjastu sendingar í ÚV
Hósdag 29. oktober
Breddin
115516
Hósdag 29. oktober
Mono - Sangir hjá og um Hank Williams
115510
Hósdag 29. oktober
Ein og eitt verða brúkt ov nógv
115497
Hósdag 29. oktober
Góðan morgun Føroyar
115484
Hósdag 29. oktober
Jazzofonin - Norðurlenskur jazzur
115480
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115407
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261