Finn Jakobsen nýggjur forstjóri í Magn

30.07.2020 - 16:07
AktueltSamfelag
Finn Jakobsen nýggjur forstjóri í Magn
Hevur verið tekniskur stjóri í orkufelagnum seinastu fýra árini
Finn Jakobsen er 53 ára gamal, og hevur verið tekniskur stjóri í Magn seinastu árini
 

Finn Jakobsen er nýggjur forstjóri í orkufelagnum Magn. Hann tekur við eftir Hendrik Egholm.

Finn Jakobsen, sum er 53 ára gamal, hevur seinastu umleið fýra árini verið tekniskur stjóri í Magn.

Hann starvaðist í fleiri ár hjá SEV, fyrst sum verkfrøðingur og síðani sum rakstrarleiðari.

Finn Jakobsen er útbúgvin sterkstreymsverkfrøðingur og elektromekanikari.

Skifti til grøna orku

Fremsta uppgávan hjá forstjóranum verður at tryggja, at Magn framhaldandi verður ein sterkur orkuveitari í Føroyum. Eisini skal hann standa fyri skiftinum til grøna orku, millum annað við vindmyllulundini í Flatnahaga.

- Vit meta, at Finn Jakobsen hevur røttu førleikarnar at standa á odda fyri Magn og møta teimum avbjóðingunum og møguleikunum, sum liggja fyri framman. Sum tekniskur stjóri hevur Finn Jakobsen havt ein týðandi leiklut í at menna grønu orkuloysnirnar hjá Magn. Harumframt hevur hann drúgvar leiðsluroyndir og hevur neyvt innlit í øll rakstrarøkini hjá Magn, sigur Jens Meinhard Rasmussen, nevndarformaður í Magn, í tíðindaskrivi.

 
Nýggjastu sendingar í ÚV
Leygardag 15. august
Morgunlesturin leygarmorgunin 15. august 2020
112098
Fríggjadag 14. august
Summartímin fríggjadagin 14. august
112344
Fríggjadag 14. august
Góðan morgun Føroyar 14.08.2020
112317
Fríggjadag 14. august
Morgunlesturin fríggjamorgunin 14. august 2020
112097
Hósdag 13. august
Summartímin hósdagin 13. august
112292
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809