- Tíðindi, mentan og ítróttur
Fiskivinnusamráðingar slitnaðar
Fiskivinnusamráðingar slitnaðar
Samráðingarnar millum Grønland og ES um eina fiskivinnuavtalu frá 2021 til 2027 eru slitnaðar
03.08.2020 - 09:03
Tað skrivar grønlendska blaðið Sermitsiaq á heimasíðuni hjá blaðnum. Partarnir hava havt trý samráðingarumfør.
Samráðingarnar hava verið harðar. Partarnir eru farnir hvør til sítt, og eingin fundur er avtalaður, sigur ein kelda, sum vil vera ónevnd, við Sermitsiaq.
ES krevur størri kvotu
ES krevur at fáa størri kvotu, og í minsta lagi somu kvotu sum higartil. Grønlendingar vilja skerja kvotuna til ES.
Hóast ES í samráðingunum hevur kravt at fáa størri rækjukvotu í Vesturgrønlandi, vil ES ikki gjalda meira afturfyri.
Grønland krevur í sínum lagi, at allar ES-kvotur í grønlendskum sjógvi minka. Skip úr ES-londum hava í fleiri ár fiskað tosk, rækju, svartkalva og lodnu í grønlendskum sjógvi.
Nýggjastu sendingar í ÚV
Nýggjastu sendingar í SV