Tekin vóru um, at landsstýrisfólk vórðu avlurtað

Tekin vóru um, at landsstýrisfólk vórðu avlurtað
Kristina Háfoss, landsstýriskvinna, fer at seta løgmanni ein fyrispurning um fregnartænastumálið, sum nú er komið undan kavi
Kristina Háfoss, sum setur løgmanni spurningin, sigur, at í undanfarna valskeiði vóru tekin um, at landsstýrisfólk vórðu avlurtað
 
28.08.2020 - 15:15

Í undanfarna valskeiði vórðu landsstýrisfólk kunnað um, at tekin vóru um, at onkur avlurtaði fartelefonirnar hjá landsstýrisfólkunum. Men tað var ikki greitt, hvør avlurtaði telefonirnar.

Tað sigur Kristina Háfoss, sum var landsstýriskvinna í fíggjarmálum í seinasta valskeiði, í viðmerkingunum til ein munnligan fyrispurning, sum hon fer at seta Bárði á Steig Nielsen, løgmanni, um møguliga avlurting av føroyskum borgarum og vinnufyritøkum. 

Munnligir fyrispurningar eru í tinginum mikudagin.

Upplýsingar latnar USA

Tað er komið undan kavi, at danska fregnartænastan hjá verjuni, FE, hevur latið amerikansku fregnartænastuni, NSA, samskiftisupplýsingar um danskar borgarar.

Kristina Háfoss fer at spyrja løgmann, um partur av hesum upplýsingum eru samskiftisupplýsingar hjá føroyskum borgarum ella vinnufyritøkum. Hon vil eisini hava at vita, hvat landsstýrið ger til tess at tryggja, at danskar fregnartænastur ella onnur ikki avlurta borgarar og fyritøkur.

Føroyska og danska netið hvør sítt

Kringvarpið hevur tosað við Páll H. Vesturbú, stjóra í Neti, sum rekur fjarskiftisnetið í Føroyum.

Hann vil ikki gera samrøðu, fyrr enn hann hevur sett seg meira inn í hetta ítøkiliga málið, men hann sigur í stuttari viðmerking, at í útgangsstøðinum eigur fregnartænastan hjá danska herinum ikki at hava atgongd til føroyska netið, tí føroyska netið og danska netið eru hvør sítt.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585