Nú kunnu ferðavinna og skeinkistøð søkja um stuðul

bannari
Nú kunnu ferðavinna og skeinkistøð søkja um stuðul
Treytin fyri at fáa covid-19-stuðul er, at einki vinningsbýti verður latið í trý ár
Skeinkistøðini fáa pengar fyri tíðina 8.august til 31.august, sum er tíðin, tá tey skuldu lata aftur klokkan 23
 
07.09.2020 - 10:56

Ferðavinnufyritøkur og skeinkistøð kunnu nú søkja um covid-19 stuðul úr landskassanum.

Kunngerðin varð lýst síðst í august. Umsóknarfreistin er til 31.oktober.

Ferðavinnan fær stuðul fyri tíðarskeiðið 12.mars til 31.august. 

Skeinkistøðini fáa pengar fyri tíðina 8.august til 31.august. Hetta var tíðin, tá tey fingu boð úr landsstýrinum at lata aftur kl.23.00.

Fáa í mesta lagi 10 mió. kr.

Stuðulin er 50 prosent, um afturgongdin í umsetninginum er millum 40 og 60 prosent. Hann er 75 prosent, um afturgongdin í umsetninginum er millum 60 og 100 prosent.

Hvør fyritøka kann fáa í mesta lagi 10 mió. kr.

Er fyritøkan partur av samtaki, kann stuðulin í mesta lagi vera 10 mió. kr. samlað fyri fyritøkurnar í samtakinum. Stuðulin verður latin til fastar útreiðslur.

Í mesta lagi tíggju starvsfólk kunnu fáa 27.000 kr. í løn um mánaðin.

Fyritøkur skulu ikki lata vinningsbýti fyri árini 2020, 2021 og 2022 fyri at fáa stuðul. 

   
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584