Myllurnar á Eiði fingið umhvørvisgóðkenning

11.09.2020 - 08:35
AktueltSamfelag
Myllurnar á Eiði fingið umhvørvisgóðkenning
Almanna- og heilsunevndin í Eiðis kommunu heldur, at myllurnar fáa neiliga ávirkan, og vil hava staðsetingina broytta
Ætlanin er at seta fýra vindmyllur norðan fyri Eiðisvatn
 

Umhvørvisstovan hevur góðkent metingina hjá partafelagnum Vindfelagnum í Neshaga, sum er dótturfelag hjá SEV, um, hvørja ávirkan fýra vindmyllur í hagapartinum Suðurhelvt á Eiði fáa á umhvørvið har.
  
Umhvørvisgóðkenningin varð latin í gjár, og kærufreistin er til 9.oktober.

Vindfelagið í Neshaga ætlar at seta upp fýra vindmyllur norðan fyri Eiðisvatn. Vindmyllurnar fara at standa í hagapartinum Suðurhelvt, millum Eiðisvatn og Gjáarvegin. 

Hæddin á torninum er 78 metrar, tvørmátið á veingjunum er 82 metrar, og alt í alt er hæddin er 119 metrar. 

Vindmyllurnar fara at gera streym, sum svarar til nýtsluna hjá 7.000 sethúsum, sigur Vindfelagið í Neshaga.

Neiliga ávirkan

Almanna- og heilsunevndin hjá Eiðis kommunu heldur, at myllurnar fara at hava neiliga ávirkan á økið. Nevndin vil hava staðsetingina broytta, so myllurnar ikki síggjast úr bygdini og taka útsýnið frá henni.

Almanna- og heilsunevndin ivast eisini í, um árinskanningin er óheft, tí SEV rindar fyri hana.

Upprunaliga var ætlanin at seta upp seks myllur omanfyri Eiði.

Men hagastýrið fyri hagan, har vindmyllurnar skuldu standa, og Fuglafrøðifelagið kærdu umhvørvisgóðkenningina, sum tann ætlanin fekk.

 
Nýggjastu sendingar í ÚV
Leygardag 27. februar
Morgunlesturin leygarmorgunin 27. februar 2021
120517
Fríggjadag 26. februar
Nón 26. februar 2021
120868
Fríggjadag 26. februar
Morgunlesturin fríggjamorgunin 26. februar 2021
120516
Fríggjadag 26. februar
Søgan um Black Birds (2:2)
120835
Hósdag 25. februar
RagnarRokk 25.februar 2021
120620
Nýggjastu sendingar í SV
Fríggjadag 26. februar
Lyst 39
120766
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790
Týsdag 23. februar
Jørðin II (6:6) - Býir
120719