Búskaparráðið: Gongdin vendir longu næsta ár

15.09.2020 - 09:22
AktueltSamfelag
Búskaparráðið: Gongdin vendir longu næsta ár
Hallið hjá landskassanum í ár verður 583 mió. kr. í ár og 570 mió. kr. næsta ár
Búskaparráðið, sum í løtuni leggur heystfrágreiðingina fram í Norðurlandahúsinum. Frá vinstru Heri á Rógvi, formaður, Ester Hansen og Sigurd Poulsen
Mynd: Bjarni Árting Rubeksen  
 

Korona hevur við sær, at búskapurin minkar í ár, men longu næsta ár fer búskapurin at vaksa aftur.

Tað sigur Heri Rógvi, formaður í Búskaparráðnum, sum í hesi løtu leggur fram heystfrágreiðingina hjá Búskaparráðnum.

Búskaparráðið mælir frá at seta tiltøk í verk til tess at minka væntaða hallið á fíggjarlógini og at stimbra við almennum íløgum.  Mælt verður í staðin til at hækka brúksgjøldini í fiskivinnuni og at halda fast við tiltøkini við landamørkini fyri at avmarka smittuvandan.

Frá hákonjunkturi til koronubúskap

Heri á Rógvi sigur, at búskapurin er raktur sum ongantíð fyrr. Farið er frá einum buldrandi hákonjunkturi til koronubúskap, har búskapurin minkar nógv.

Stór óvissa er um gongdna í útflutningsvinnunum, men samstundis hevur nýtslan innanlands hildið tørn. Ferðavinnan er meint rakt, men eftir øllum at døma fer búskapurin at vaksa aftur í 2021, og tá er umráðandi ikki at stimbra búskapin meira enn neyðugt. 

Útlitini fyri 2021 eru góð við lítlum arbeiðsloysi, og sum heild eru húsarhaldini væl fyri, sigur Heri á Rógvi, formaður í Búskaparráðnum.

Stórt hall

Búskaparráðið hevur endurmett vøksturin í bruttotjóðarúrtøkuni, tí korona hevur broytt fortreytirnar.

Nú verður vøksturin í bruttotjóðarúrtøkuni mettur til -6,9 prosent, men næsta ár verður vøksturin mettur til 5,5 prosent.

Úrslitið hjá landskassanum í ár verður mett at geva 583 milliónir kr. í halli í ár og 570 milliónir í halli næsta ár.

 

 

 
Nýggjastu sendingar í ÚV
Leygardag 24. oktober
Ein miseydnað búseting við Suðurhøv
114211
Leygardag 24. oktober
Jambalaja 241020
115241
Leygardag 24. oktober
Morgunlesturin leygarmorgunin 24. oktober 2020
114986
Fríggjadag 23. oktober
Nón 23. oktober 2020
115225
Nýggjastu sendingar í SV
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073
Týsdag 20. oktober
Atlantshavið 1:3 - Lívsstreymur
115072
Týsdag 20. oktober
Úr savninum: Við veðrum í vestaru skor
115071