Mæla frá at stytta arbeiðsvikuna

21.09.2020 - 09:06
AktueltPolitikkur
Mæla frá at stytta arbeiðsvikuna
Arbeiðsgevararnir siga, at stytt arbeiðsvika hevur við sær, at lønin hækkar, og meira verður hjá arbeiðsgevarum at gjalda
Arbeiðsgevarafelagið sigur, at í veruleikanum er arbeiðsvikan í Føroyum tann sama sum í Danmark, tá matarsteðgurin verður taldur við
Mynd: Bjarni Árting Rubeksen  
 

Føroya arbeiðsgevarafelag heldur ikki, at tað er eitt gott hugskot at stytta arbeiðsvikuna.

Javnaðarflokkurin hevur uppskot til samtyktar í tinginum um at stytta arbeiðsvikuna.

Yvirskipað heldur Arbeiðsgevarafelagið ikki, at nakar fyrimunur er hjá vinnuni at stytta arbeiðsvikuna.

Arbeiðsgevarnir siga, at sambært uppskotinum skulu fólk ikki fara niður í løn, hóast tey arbeiða færri tímar.

So fólk fáa lønarhækking, og meira verður hjá arbeiðsgevarunum at gjalda.

Tann sama sum í Danmark

Harfturat er arbeiðstíðin í veruleikanum tann sama í Føroyum sum í Danmark. Hon er 37 tímar um vikuna uttan matarsteðg í Danmark og 40 tímar í Føroyum við matarsteðgi

Arbeiðsgevarafelagið vísir eisini á, at Búskaparráðið hevur sagt, at upskotið um at stytta arbeiðsvikuna er eitt stig tann skeiva vegin, tá hugsað verður um haldførið í føroyska búskapinum. 

Ein fortreyt fyri at gera grundleggjandi broytingar á arbeiðsmarknaðinum er, at vinnan fær munandi fríari atgongd til arbeiðsmegi.

Arbeiðsloysið í Føroyum er metlágt, og arbeiðsgevarar fáa ikki fólk til allar uppgávur. 

Verður arbeiðsvikan stytt, verður hesin trupulleikin enn størri, sigur Føroya arbeiðsgevarafelag.

 
 

 
Nýggjastu sendingar í ÚV
Hósdag 29. oktober
Breddin
115516
Hósdag 29. oktober
Mono - Sangir hjá og um Hank Williams
115510
Hósdag 29. oktober
Ein og eitt verða brúkt ov nógv
115497
Hósdag 29. oktober
Góðan morgun Føroyar
115484
Hósdag 29. oktober
Jazzofonin - Norðurlenskur jazzur
115480
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115407
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261