Fyritøkur: Ov trongt at hava koronukanningar

bannari
Fyritøkur: Ov trongt at hava koronukanningar
Stjórin í hýruvognsfyritøkuni Bil heldur tað vera burturvið at flyta meira virksemi oman á eystaru bryggju
Fyritøkur í Havn ávara nú ímóti at flyta koronokanningarnar oman á eystaru bryggju
 
25.09.2020 - 14:03

Fleiri fyritøkur finnast nú at ætlanini hjá Sjúkrahúsverkinum um at flyta koronu-kanningarmiðstøðina í Havn oman á Farstøðina.

Sjúkrahúsverkið hevur ikki hugsað seg nóg væl um, tá tey ætla at brúka økið á eystaru bryggju til koronokanningar. Har er ov trongt sum er, og serliga mánadagar er økið fult av trailarum og bilum, sigur Heðin Joensen, stjóri í Bil, við Kringvarpið. Tað er burturvið at flyta meira virksemi oman á eystaru bryggju, sigur hann.

Hýruvognsfyritøkan er tó ikki líka meint rakt sum onnur á eystaru bryggju, tí bilarnir kunnu standa aðrastaðni í býnum.

Men tað er óheppið, um bilarnir ikki kunnu koma á støðina fyri ferðslu. Heðin Joensen heldur, at størsta avbjóðingin verður, tá allir bilarnir skulu koyra inn og út gjøgnum somu rundkoyring oman á kaiøkið.

Faroe Ship stúrir eisini

Eisini Faroe Ship stúrir fyri atkomuviðurskiftunum, um Farstøðin skal gerast karmur um eina nýggja korona-kanningarmiðstøð. 

Bogi Nielsen, stjóri á Faroe Ship, sigur við Kringvarpið, at enn vita tey ikki, hvussu virksemi fer at síggja út á keiini, og tí er ilt at siga, hvørja ávirkan tað fær á dagliga arbeiðið hjá Faroe Ship.

Hann steðfestir tó, at inn- og útkoyringin oman á eystaru bryggju má ikki verða tarnað av bilrøðum og óskili, tí hesin parturin av bryggjuni er teirra livibreyð. Tað kann eisini ávirka trygdina á kaiøkinum, um ferðslan ikki er skipað, og tað kann hava eina neiliga ávirkan á arbeiðið hjá Faroe Ship.

Ruðuleiki á havnarøkinum

Í gjár fanst Hilmar Eliasen, stjóri í Strandfaraskipum Landsins, eisini at ætlanini hjá Sjúkrahúsverkinum.

Hann heldur, at tað fer at elva til ruðuleika á havnarøkinum í Havn, um korona-kanningarmiðstøðin skal vera á Farstøðini.

Kanningarnar skulu eftir ætlan vera í bláa pakkhúsinum hjá Smyril Line, men har longu ov trongligt sum er, sigur Hilmar Eliasen.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584