Hvítarussland vil hava hendur á andstøðuleiðaranum

16.10.2020 - 14:22
AktueltÚtheimurin
Hvítarussland vil hava hendur á andstøðuleiðaranum
Svetlana Tikhanovskaja flýddi til grannalandið Litava, eftir umstrídda forsetavalið í Hvítarusslandi
Svetlana Tikhanovskaja heldur fram við at leggja trýst á stjórnina í Hvítarusslandi, hóast hon er í útlegd í Litava
 

Myndugleikarnir í Hvítarusslandi vilja hava hendur á andstøðuleiðaranum, Svetlanu Tikhanovskaju, fyri ikki at hava gjørt eftir boðum frá myndugleikunum.

Tað skrivar tíðindastovan, RIA, sum endurgevur russiska innanríkisráðharran.

Svetlana Tikhanovskaja kendi seg í august noydda at flýggja til grannalandið Litava, eftir eitt umstrítt forsetaval í Hvítarusslandi. Á valinum varð sitandi forsetin sagdur at vera vinnari, tí hann fekk 80 prosent av atkvøðunum. Eftir valið fóru fólk í túsundatali út á gøturnar at mótmæla, m.a. tí Tikhanovskaja bað tey um tað.

Hon hevur síðani valið kravt, at forsetin, Lukasjenko, leggur frá sær, og hevur skipað eitt ráð, sum skal slóða fyri broytingum í landinum. Fleiri limir í ráðnum eru fongslaðir.

Eisini á russiskum lista

Svetlana Tikhanovskaja stendur eisini á einum russiskum lista yvir fólk, sum russisku myndugleikarnir vilja hava hendur á. Tað er eftir eini avtalu millum fleiri lond í Eysturevropa, sum bæði Russland og Hvítarussland hava samtykt, upplýsir hvítarussiska innanríkisráðið.

Svetlana Tikhanovskaja heldur fram við at leggja trýst á stjórnina í Hvítarusslandi, hóast hon er í útlegd í Litava. Hon hevur um dagarnar biðið hvítarussar um at fara í aðalverkfall 25. oktober, um forsetin ikki hevur lagt frá sær, og politiskir fangar eru latnir leysir.

Hon hevur boðað frá, at um umstøðurnar ikki broytast til ta tíð, so fara fólk út á gøturnar 26. oktober at steingja vegir og steðga søluni hjá øllum almennum handlum, skrivar Ritzau.

 

Sí eisini

Nýggjastu sendingar í ÚV
Leygardag 31. oktober
Jambalaja 311020
115613
Leygardag 31. oktober
UFO Kjallarin og Fort Benning
115612
Leygardag 31. oktober
Morgunlestur leygardagur 31.oktober 2020
115366
Fríggjadag 30. oktober
Nón 30. oktober 2020
115591
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115572
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261