Nú er skrivað undir sáttmálan

29.10.2020 - 11:06
AktueltPolitikkur
Nú er skrivað undir sáttmálan
Ætlanin er, at bæði løgtingið og bretska parlamentið skulu góðkenna nýggja sáttmálan í hesum árinum
Emma Hopins, bretsk sendifrú í Keypmannahavn, og Jacob Vestergaard, landsstýrismaður, skrivaðu undir rammusáttmálan fyrrapartin
 

Rammusáttmálin um fisk millum Føroyar og Bretland er nú undirskrivaður.

Fyrrapartin skrivaðu Jacob Vestergaard, landsstýrismaður í fiskivinnumálum, og Emma Hopkins, bretsk sendifrú í Keypmannahavn, undir sáttmálan.

Týdningarmestu ásetingarnar í sáttmálanum fevna um atgongd, kvotuflytingar og eftirlitssamstarv. Harumframt er ásett, at bæði londini skulu raðfesta vísindaliga grundaða umsiting av fiskastovnum, og sjøtul verður eisini settur á samstarv um havlívfrøði og umhvørvi.

Øll hesi viðurskifti skulu viðgerast í árligu samráðingunum millum londini.

Søguligur dagur

Jacob Vestergaard, landsstýrismaður, sigur, at hetta er ein søguligur dagur fyri viðurskiftini millum Føroyar og Bretland.

- Sáttmálin er ein varði í okkara felags søgu og eitt stórt framlop í felags royndini at menna samstarvið millum báðar tjóðirnar, sigur hann.

Ætlanin er, at bæði løgtingið og bretska parlamentið skulu samtykkja sáttmálan seinni í ár, og hann verður karmur um alt fiskivinnusamstarv millum Føroyar og Bretland í framtíðini. 

 

 

 
Nýggjastu sendingar í ÚV
Sunnudag 29. november
Credo: Nýggj lungu og nýtt lív
116845
Leygardag 28. november
Á Quiztinum - 2. hálvfinala
116908
Leygardag 28. november
TEMAPLÁTAN: Eye of the Tiger, Survivor, 1982
116907
Leygardag 28. november
Jambalaja 281120
116905
Nýggjastu sendingar í SV
Leygardag 28. november
Fótbóltur: Víkingur - B36
116909
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610