Nets selt til Italia fyri 45 mia. kr.

16.11.2020 - 09:17
AktueltPengar
Nets selt til Italia fyri 45 mia. kr.
Nets og Nexi hava samráðst um at leggja saman síðani fyrst í november
Nets, sum eisini umsitur gjaldskort í Føroyum, fer nú á italskar hendur
 

Gjaldkortsfyritøkan, Nets, er seld til italsku fyritøkuna, Nexi, fyri 45 milliardir kr., boðar fyritøkan frá tíðindaskrivi.

Nets umsitur eisini gjaldskortskipanina hjá okkum í Føroyum.

Nets og Nexi hava samráðst um at leggja saman síðani fyrst í november.

Stóran týdning

Virkandi stjórin í Nets, Bo Nilsson, sigur, at samanleggingin hevur stóran týdning fyri virksemið í framtíðini.

- Frá at hava virkað í Danmark og Noregi, hevur felagið strembað eftir at vaksa á evropeiska marknaðinum, og at menna tann ídnaðin, sum felagið virkar í, og sum verður meira altjóða, sigur stjórin.

- Vit hava ment okkum í Týsklandi, Eysturríki, Sveis og Póllandi, har møguleikarnir fyri at vaksa eru stórir. Og norðurlond, serliga Danmark, verða eisini í framtíðini ein týdningarmikil marknaður, sigur stjórin.

Nets varð seinast selt í 2017, tá kapitalgrunnurin, Hellmann & Friedman, keypti felagið, og tók tað av partabrævamarknaðinum í Keypmannahavn.

Síðani hevur Nets lagt saman við fleiri onnur feløg, teirra millum týska Concardis, og selt ein part av sínum virksemi til amerikanska, Mastercard, m.a. gjaldsskipanina.

Byrjaði sum PBS

Nets bjóðar gjaldsskipanir, og í Danmark stendur felagið m.a. fyri Dankortinum og NemID. Nets er virkið í 20 evropeiskum londum og hevur 4.500 fólk í starvi. Í fjør var umsetningurin hjá felagnum 7,5 milliardir kr., skrivar Ritzau.

Nets byrjaði við navninum, PBS, í 1968. Í nógv ár vóru tað peningastovnar í norðurlondum og danski tjóðbankin, sum áttu felagið. Síðani í 2014 hava kapitalgrunnar átt tað.

At leggja saman við Nets, er annar stóri handilin hjá italska Nexis, seinastu tíðina.

Fyri einum mánaði síðani keypti felagið italska felagið, SIA.

SIA hevur umleið 3.500 starvsfólk, og Nexi 3.000 starvsfólk.

Er kopiera
Nýggjastu sendingar í ÚV
Týsdag 13. apríl
Breddin
122786
Týsdag 13. apríl
Óhoyrt 13. apríl 2021
122784
Týsdag 13. apríl
Nón 13. apríl 2021
122780
Týsdag 13. apríl
Bolero 11. apríl 2021
122776
Týsdag 13. apríl
Tempo: Country
122771
Nýggjastu sendingar í SV
Týsdag 13. apríl
Katrin Danielsen, Ílegusavnið
118857
Mánadag 12. apríl
3-2
122744
Sunnudag 11. apríl
Guðstænasta í Havnar kirkju
122687
Sunnudag 11. apríl
Guðstænasta í Oyndarfjarðar kirkju
122683
Sunnudag 11. apríl
Andakt við Beintu Áargarð
122671