Trivnaðargrunnurin fær nýggjan Sóljubuss

Trivnaðargrunnurin fær nýggjan Sóljubuss
600.000 kr. eru játtaðar úr satspuljuni hjá fólkatinginum eftir umbøn frá Edmundi Joensen, fólkatingsmanni
Gamli Sóljubussurin er uppslitin, men nú er fígging fingin til ein nýggjan buss
 
24.11.2020 - 13:45

Trivnaðargrunnurin fyri Sjúklingahotellið Tórshavn í Keypmannahavn fær nú nýggjan buss til sjúklingar og avvarðandi.

600.000 krónur eru játtaðar til bussin úr satspuljuni, sum hon verður nevnd, eftir umbøn frá Edmundi Joensen, fólkatingsmanni fyri Sambandsflokkin.

Edmund Joensen sigur, at Trivnaðargrunnurin ger eitt stórt arbeiði fyri sjúklingar og avvarðandi á sjúklingahotellinum, og hann fegnast um, at allir flokkar á fólkatingi hava tikið undir við umbønini.

Gamli Sóljubussurin, sum hann verður nevndur, er nú uppslitin.

Trivnaðargrunnurin hevur savnað pening inn til nýggjan buss við allari neyðugari útgerð. Ein nýggjur Sóljubussur kostar umleið 1,3 milliónir kr., og grunnurin hevur sjálvur savnað 700.000 kr.

Og nú koma 600.000 kr. aftrat úr satspuljuni hjá fólkatinginum.

Sjálvboðin koyra Sóljubussin, sum eisini ger ókeypis útferðir við teimum, sum búgva á sjúklingahotellinum. 

Edmund Joensen, fólkatingsmaður, fegnast um, at allir flokkar á fólkatingi tóku undir við umbønini um at játta Trivnaðargrunninum 600.000 kr. til ein nýggjan buss. 

 

 

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585