Føroyska toskakvotan í Grønlandi hækkar 1.000 tons

08.12.2020 - 09:40
AktueltPolitikkur
Føroyska toskakvotan í Grønlandi hækkar 1.000 tons
Tilsamans kunnu føroysk skip næsta  ár fiska 2500 tons av toski í grønlendskum sjógvi
Grønland og Føroyar hava gjørt nýggja fiskirættindaavtalu
 

Føroyar og Grønland skrivaðu í gjár undir avtalu um fiskiveiðirættindi næsta ár.

Fiskimálaráðið sigur, at vísindaligu ráðgevingarnar fyri tveir av fiskastovnunum, norðhavssild og tosk í Suður- og Eysturgrønlandi,  eru bjartskygdar. Hesir fiskastovnar eru týðandi grundarlag undir fiskivinnusamstarvinum millum Føroyar og Grønland.

Tað merkir, at føroyska toskakvotan í grønlendskum sjógvi hækkar 1.000 tons, og grønlendska sildakvotan hækkar 3.300 tons og svartkjaftakvotan 1200 tons.

Royndarfiskiskapur

Harumframt kunnu føroysk skip sum nakað nýtt royndarfiska eftir toski og øðrum botnfiski og djórum á teimum norðaru leiðunum í Eysturgrønlandi.

Tilsamans kunnu føroysk skip næsta  ár fiska 2500 tons av toski í grønlendskum sjógvi. Føroysk skip kunnu eisini fiska 475 tons av brosmu og 325 tons av svartkalva, tað sama sum í ár.

Ein royndarkvota eftir 500 tonsum av krabba er eisini varðveitt.

Grønlendsk skip kunnu afturfyri fiska tilsamans 6.500 tons av norðhavssild og 14.700 tons av svartkjafti.

 
Nýggjastu sendingar í ÚV
Mánadag 8. mars
Nón 8. mars 2021
121302
Mánadag 8. mars
Norðurljóð 8.mars 2021
121258
Mánadag 8. mars
Áðrenn Elvis
121298
Nýggjastu sendingar í SV
Týsdag 9. mars
Toke M. Carlsen, Fróðskaparsetrið
118848
Mánadag 8. mars
3-2
121323
Sunnudag 7. mars
Andakt við Margareth Djurhuus
121249
Sunnudag 7. mars
Guðstænasta í Vesturkirkjuni
121251
Leygardag 6. mars
FMA 2021
121234