Seks leigumál til barnaheim fyri 1,8 mió. kr.

Eind 10, barnaheimið, leigar fyri slakar 1,8 mió. kr. í ár.

Leigan er ein millión og 753.000 kr.

Talan er um seks leigumál á Argjum, í Havn og í Hoyvík.

Dýrasta leigan fyri fermeturin er í Niðarugøtu. Har kostar fermeturin 1.103 kr. Bíligasta leigan, í Lágni, er 1.000 kr. fyri fermeturin.

Elsebeth svarað Djóna

Hetta er upplýst í einum svari, sum Elsebeth Mercedis Gunnleygsdóttir, landsstýriskvinna, hevur givið Djóna Nolsøe Joensen, løgtingsmanni, sum spurdi um leiguútreiðslurnar hjá barnaheiminum.

Ætlanin er at leiga tvey hús í Varðagøtu í Havn 1.apríl næsta ár, men endalig avgerð er ikki tikin um tað.

Almannaverkið brúkar eisini bygningarnar hjá sjálvsognarstovninum fyri Føroya barnaheim í Pedda við Steinsgøtu til stovnar undir eind 10. Almannaverkið rindar ikki leigu fyri teir.