Kaikanturin er liðugur, men útbyggingin heldur á

Kaikanturin er liðugur, men útbyggingin heldur á
Sjóvar kommuna fer at nýta 17 milliónir krónur til havnarútbyggingina á Hulki
Artur Johansen er borgarstjóri í Sjóvar kommunu
 
11.01.2021 - 15:41

Nú er liðugt at stoypa hamaran - kaikantin - á havnarlagnum á Hulki á Strondum. 

MRCC boðar tí frá, at siglingarávaringin, sum hevur verið galdandi frá Langanesi á Strondum til bygdina á Skála, er nú avlýst.

Siglingarávaringin hevur verið galdandi síðani hálvan september í fjør. 

Ikki liðug

Havnarútbyggingin á Hulki er tó ikki liðug enn. Millum annað skal tekniskur útbúnaður leggjast í bryggjuna. Artur Johansen, borgarstjóri, veit ikki enn, nær útbyggingin verður liðug, kanska verður tað ikki fyrr enn á páskum, heldur hann.

2.000 fermetrar av bryggjuplássi vera á Hulki aftrat. Eisini er sprongt norðan fyri Vaðhorn, og har fær kommunan eitt vinnuøki upp á 2.000-3.000 fermetrar aftrat.

Sjóvar kommuna fer at brúka næstan 17 milliónir krónur til havnarútbyggingina.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652