Hava fingið pengar aftur fyri námsferð

15.01.2021 - 11:30
AktueltSamfelag
Hava fingið pengar aftur fyri námsferð
Uttanríkis- og Mentamálaráðið helt seg hava moralska skyldu at rinda næmingunum mista peningin, tí Glasir avlýsti námsferðirnar
Námsferðirnar kostaðu eina millión og 650.000 kr., og peningurin er nú afturgoldin
Mynd: Bjarni Árting Rubeksen (savnsmynd)  
 

Næmingarnir á Glasi, sum skuldu fara námsferð í mars í fjør, hava nú fingið allar pengarnar aftur, sum teir mistu, tá korona gjørdi, at ferðirnar blivu av ongum.

Námsferðirnar kostaðu eina millión og 650.000 kr.

Veitarar hava goldið 300.000 kr. aftur.

Og hinar pengarnar, eina millión og 350.000 kr., hava næmingarnir fingið úr landskassanum.

Teir pengarnar hevur Glasir fingið, og teir eru nú fluttir næmingunum, sigur Steinbjørn Hardlei, rektari. 

Moralsk skylda

Uttanríkis- og Mentamálaráðið helt seg hava moralska skyldu at rinda næmingunum mista peningin, tí Glasir avlýsti námsferðirnar, ikki næmingarnir sjálvir. 

Næmingarnir eru 275, og við lærarum og øðrum vóru 300 fólk í ferðaløgunum.

Ein hópur for kortini avstað. Tey fóru dagin fyri, at hini skuldu fara.

Tey vóru 13, og tey vóru í Portugal, men komu heim tveir dagar, áðrenn ferðin skuldi enda.

Sjey av teimum 13 blivu koronusmittað.
 

 

Sí eisini

Nýggjastu sendingar í ÚV
Leygardag 27. februar
Morgunlesturin leygarmorgunin 27. februar 2021
120517
Fríggjadag 26. februar
Nón 26. februar 2021
120868
Fríggjadag 26. februar
Morgunlesturin fríggjamorgunin 26. februar 2021
120516
Fríggjadag 26. februar
Søgan um Black Birds (2:2)
120835
Hósdag 25. februar
RagnarRokk 25.februar 2021
120620
Nýggjastu sendingar í SV
Fríggjadag 26. februar
Lyst 39
120766
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790
Týsdag 23. februar
Jørðin II (6:6) - Býir
120719