Mælir frá at leingja afturgjaldstíðina

18.01.2021 - 10:00
AktueltPolitikkur
Mælir frá at leingja afturgjaldstíðina
Tunnilsfelagið hevur mett, at eingir fyrmunir eru at broyta lánstreytirnar í láninum, sum er tikið til Eystur- og Sandoyartunlarnar
Jørgen Niclasen, landsstýrismaður, heldur ikki, at tað er skilagott at leingja afturgjaldstíðina av láninum hjá tunnilsfelagnum, sum støðan er í løtuni
Mynd: Bjarni Árting Rubeksen  
 

Jørgen Niclasen, landsstýrismaður í samferðslumálum, heldur tað ikki vera skilagott av tunnilsfelagnum at leingja afturgjaldstíðina av láninum, sum felagið hevur tikið til Eysturoyartunnilin og Sandoyartunnilin.

Ávirkanin á prísin hevði verið lítil, og samstundis hevði afturgjaldstíðin verið tvær ferðir so long.

Jørgen Niclasen hevur svarað einum fyrispurningi frá Jaspurin Langgaard í Sambandsflokkinum um málið.

Lænt 2,6 milliardir krónur

Partafelagið Eystur- og Sandoyartunnil hevur lænt 2,6 milliardir krónur úr USA til báðar tunlarnar. Rentan er føst, 2,73 prosent, og afturgjaldstíðin er 24 ár.

Tað er sera ivasamt, um felagið hevði kunnað lænt hesa upphæddina við eini afturgjaldstíð upp á 30-40 ár.

Tunnilsfelagið hevur mett, at møguleikarnir at leingja afturgjaldstíðina eru sera avmarkaðir, og í løtuni verður ikki mett, at fyrimunir høvdu verið at longt hana.

Álit á felagnum

Í øllum førum er greitt, at rentan hevði verið munandi hægri, um afturgjaldstíðin var 30-40 ár. Heldur ikki er óhugsandi, at tað hevði skalað trúvirðið hjá landinum millum lánveitarar, um landið - áðrenn verkætlanin er liðug - hevði roynt at fingið fíggingina lagda um til longri afturgjaldstíð.

Jørgen Niclasen sigur, at hann hevur álit á, at nevnd og stjórn í tunnilsfelagnum støðugt eftirmeta prísir soleiðis, at ein hóskandi javnvág verður millum ferðslu og inntøkur til felagið.

Koma nevnd og leiðsla fram til, at stórir fyrimunir eru at leingja afturgjaldstíðinam eigur tað at verða gjørt. Men við tí, sum vit vita nú, er enki, sum bendir á tað, sigur Jørgen Niclasen í svarinum til Jaspur Langgaard.

 
Nýggjastu sendingar í ÚV
Leygardag 27. februar
Morgunlesturin leygarmorgunin 27. februar 2021
120517
Fríggjadag 26. februar
Nón 26. februar 2021
120868
Fríggjadag 26. februar
Morgunlesturin fríggjamorgunin 26. februar 2021
120516
Fríggjadag 26. februar
Søgan um Black Birds (2:2)
120835
Hósdag 25. februar
RagnarRokk 25.februar 2021
120620
Nýggjastu sendingar í SV
Fríggjadag 26. februar
Lyst 39
120766
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790
Týsdag 23. februar
Jørðin II (6:6) - Býir
120719