- Tíðindi, mentan og ítróttur
Keypari og seljari skal ikki vera tann sami
Tá tann, sum selur fisk á uppboðssølu, eisini keypir hann, er hetta ikki at meta sum ein søla. Keyparin skal vera eitt annað felag ella fólk enn tann, sum selur.
Tað sigur Vørn.
Tann 1.januar kom nýggj kunngerð um uppboðssølu.
30 prosent á uppboðsølu
Kunngerðin sigur, at í minsta lagi 30 prosent av fiski í rundari vekt av hvørjum fiskaslagi sær, sum føroyskt fiskifar avreiðir í einum fiskiári, skal seljast um góðkenda uppboðssølu í Føroyum.
Talan er um veiðu í føroyskum ella íslendskum sjógvi. Kunngerðin er um tosk, hýsu, brosmu, longu, havtasku og svartkalva og bara um ósløgdan fisk, sløgdan fisk við høvdi og sløgdan, avhøvdaðan fisk.
Tað telur ikki við í teimum 30 prosentunum, um seljarin keypir sín egna fisk aftur, sigur Vørn.